Gadar: 22 वर्षानंतर 'गदर' पुन्हा येणार प्रेक्षकांच्या भेटीस; सनी देओल पोस्ट शेअर करत म्हणाला, 'तेच प्रेम, तीच कथा, पण यावेळी...'
'गदर' (Gadar) हा चित्रपट पुन्हा रिलीज केला जाणार आहे. याबाबत सनी देओलनं (Sunny Deol) सोशल मीडियावर माहिती दिली आहे.
Gadar : बॉलिवूडमधील प्रसिद्ध अभिनेता सनी देओलचा (Sunny Deol) 2001 मध्ये प्रदर्शित झालेला 'गदर' (Gadar) हा चित्रपट लोक आजही आवडीने पाहतात. या चित्रपटातील आयकॉनिक 'हँड पंम्प' सिन, चित्रपटातील डायलॉग्स अजही प्रेक्षकांची मनं जिंकतात. आता हा चित्रपट पुन्हा रिलीज केला जाणार आहे. याबाबत सनी देओलनं सोशल मीडियावर माहिती दिली आहे.
सनी देओलची पोस्ट
सनी देओलनं गदर चित्रपट पुन्हा रिलीज होणार असल्याची माहिती सोशल मीडियावर चाहत्यांना दिली आहे. त्यानं पोस्टमध्ये लिहिलं, 'तेच प्रेम, तीच कथा, पण यावेळी वेगळा भावना वेगळी असेल.गदर पुन्हा रिलीज होत आहे. 9 जूपासून लिमिटेड दिवसांसाठी गदर चित्रपट रिलीज केला जात आहे. तुम्हाला हा चित्रपट 4K आणि Dolby Atmos sound मध्ये पाहता येईल.'
View this post on Instagram
सनीनं शेअर केला ट्रेलर
सनीनं गदर या चित्रपटाचा ट्रेलर देखील सोशल मीडियावर शेअर केला आहे. या ट्रेलरला त्यानं कॅप्शन दिलं, '22 वर्षांनंतर तारा सिंह आणि सकिना यांची प्रेमकहाणी पुन्हा एकदा तुमच्या हृदयात स्थान निर्माण करण्यासाठी आली आहे.'
View this post on Instagram
गदर-2 येणार प्रेक्षकांच्या भेटीस
2001 मध्ये रिलीज झालेल्या गदर या चित्रपटाचा सिक्वेल लवकरच प्रेक्षकांच्या भेटीस येणार आहे. काही दिवसांपूर्वी सनी देओलनं गदर-2 चित्रपटाचं पोस्टर सोशल मीडियावर शेअर केलं होतं. या पोस्टरला त्यानं कॅप्शन दिलं, 'हिंदुस्तान जिंदाबाद है, जिंदाबाद था और जिंदाबाद रहेगा! आम्ही तुमच्यासाठी दोन दशकांनंतर भारतीय चित्रपटसृष्टीतील सर्वात मोठा सिक्वेल घेऊन येत आहोत. 11 ऑगस्ट 2023 रोजी गदर-2 रिलीज होणार आहे.'
View this post on Instagram
गदर या चित्रपटाने बॉक्स ऑफिसवर तब्बल 133 कोटींची कमाई केली. त्यामुळे गदर-2 चित्रपटाची देखील प्रेक्षक उत्सुकतेने वाट पाहात आहेत.
इतर महत्वाच्या बातम्या:
Before You Go
Celebrity vs Politicians Cricket Match Sangli: सिद्धार्थ जाधवची फटकेबाजी, विशाल पाटलांची जबरदस्त फिल्डिंग
महत्त्वाच्या बातम्या
