एक्स्प्लोर

TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या

Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.

Written By : एबीपी माझा वेब टीम | Edited By: मंजिरी पोखरकर | Updated at : 28 Mar 2022 11:10 PM (IST)

TOP_5_Entertainment_News

TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -

विल स्मिथच्या शिरपेचात ऑस्करचा तुरा; पुरस्कार स्विकारताना अश्रू अनावर

हॉलिवूडमधील प्रसिद्ध अभिनेता विल स्मिथला ऑस्कर पुरस्कारानं गौरवण्यात आलं. त्याला 'किंग रिचर्ड' या चित्रपटासाठी बेस्ट अॅक्टर हा पुरस्कार प्रदान आला आहे. पुरस्कार स्विकारताना विल स्मिथला अश्रू अनावर झाले. पुरस्कार सोहळ्याला उपस्थित असणाऱ्यांनी विल स्मिथला स्टॅडिंग ओवेशन दिले.

रिलीजच्या तिसऱ्या दिवशी ‘RRR’चा दबदबा

एसएस राजामौलींचा ‘RRR’ हा चित्रपट सध्या प्रचंड चर्चेत आहे. या चित्रपटाला प्रेक्षकांचे भरभरून प्रेम मिळत आहे आणि त्यामुळेच या चित्रपटाने कमाईचे सर्व विक्रम मोडीत काढले आहेत. या चित्रपटाने रिलीजच्या पहिल्याच दिवशी 223 कोटींची कमाई केली होती. चित्रपट केवळ भारतातच नाही, तर परदेशातही कमाईच्या बाबतीत पुढे आहे. हिंदी व्हर्जनच्या पहिल्या दिवसाच्या कमाईबद्दल बोलायचे झाले, तर चित्रपटाने 20.07 कोटींची कमाई केली होती.

Oscar 2022 : 'कोडा' ठरला सर्वोत्कृष्ट चित्रपट

ऑस्कर पुरस्कार सोहळ्याची जगभरातील सेलिब्रिटी आतुरतेने वाट पाहत असतात. कॅलिफोर्नियातील लॉस एंजेलिस येथील डॉल्बी थिएटरमध्ये यंदाचा ऑस्कर पुरस्कार सोहळा पार पडला. विल स्मिथला सर्वोत्कृष्ट अभिनेत्याचा तर जेसिका ब्रेस्टनला सर्वोत्कृष्ट अभिनेत्रीचा पुरस्कार मिळाला. पण 'ऑस्कर 2022' मध्ये 'कोडा' सिनेमाने सर्वांचे लक्ष वेधून घेतले. 'कोडा' सिनेमाला ऑस्कर पुरस्कार सोहळ्यात सर्वोत्कृष्ट चित्रपटाचा पुरस्कार मिळाला आहे. विशेष म्हणजे या सिनेमाला स्टँडिंग ओव्हेशनदेखील मिळाले आहे.

Oscars 2022 : ऑस्कर विजेत्या 'ड्युन' चित्रपटाच्या व्हीएफएक्सची धुरा सांभाळणारे भारतीय वंशाचे नमित मल्होत्रा

व्हिज्युअल इफेक्ट्स (VFX) आणि अॅनिमेशन स्टुडिओ ‘DNEG’ यांना 94व्या ऑस्कर पुरस्कार (Oscars 2022) सोहळ्यामध्ये 'सर्वोत्कृष्ट व्हिज्युअल इफेक्ट्स' श्रेणीतील दोन हॉलिवूड चित्रपटांसाठी नामांकन मिळाले होते. यापैकी एक चित्रपट 'ड्युन'ला आज इतर श्रेणींसह 'बेस्ट व्हिज्युअल इफेक्ट्स' श्रेणीतही ऑस्कर पुरस्कार मिळाला आहे. या चित्रपटासह 94व्या ऑस्करमध्ये DNEG ला 'सर्वोत्कृष्ट व्हिज्युअल इफेक्ट्स' श्रेणीत 'नो टाइम टू डाय' या चित्रपटासाठी देखील नामांकन मिळाले होते.

‘शेर शिवराज’चे जबरदस्त पोस्टर प्रेक्षकांच्या भेटीला

शिवचरित्रातील ‘अफझलखान वध’ हा शिवकालीन इतिहासाचा महत्त्वाचा अध्याय आहे. ज्यामुळं खऱ्या अर्थानं हिंदवी स्वराज्याची प्रतिष्ठापना झाली, असं आपण म्हणू शकतो. आता हाच ऐतिहासिक सुवर्णअध्याय 22 एप्रिलला रुपेरी पडद्यावर येण्यासाठी सज्ज होत आहे. नुकतेच ‘शेर शिवराज’ (Sher Shivraj) या चित्रपटाचे जबरदस्त पोस्टर प्रेक्षकांच्या भेटीला आले आहे.

संबंधित बातम्या