Fighter Poster Out: 'फायटर' मधील दीपिकाचा लूक जबरदस्त आऊट! चित्रपटात साकारणार 'ही' भूमिका
Fighter Poster Out: दीपिका ही चाहत्यांना नवीन वर्षाच्या सुरुवातीला खास गिफ्ट देणार आहे. तिचा फायटर हा चित्रपट जानेवरी महिन्यात रिलीज होत आहे. या चित्रपटामधील दीपिकाचा लूक रिलीज करण्यात आला आहे.
Fighter Poster Out: अभिनेत्री दीपिका पादुकोणसाठी (Deepika Padukone) 2023 हे वर्ष खास ठरले कारण तिचे पठाण (Pathaan) आणि जवान (Jawan) हे दोन्ही चित्रपट ब्लॉकबस्टर ठरले. आता दीपिकाच्या आगामी चित्रपटांची प्रेक्षक उत्सुकतेने वाट बघत आहेत. दीपिका ही तिच्या चाहत्यांना नवीन वर्षाच्या सुरुवातीला खास गिफ्ट देणार आहे. तिचा फायटर (Fighter) हा चित्रपट जानेवरी महिन्यात रिलीज होत आहे. या चित्रपटामधील दीपिकाचा जबरदस्त लूक रिलीज करण्यात आला आहे. फायटर या चित्रपटात दीपिका कोणती भूमिका साकारणार आहे? याबाबत जाणून घेऊयात...
दीपिका साकारणार 'ही' भूमिका (Deepika Padukone Look In Fighter)
दीपिकानं तिच्या फायटर या चित्रपटातील लूकचा फोटो सोशल मीडियावर शेअर केला आहे. या फोटोला तिनं कॅप्शन दिलं, "स्क्वाड्रन लीडर मीनल राठोड,कॉल साइन: मिनी,डेजिग्नेशन: स्क्वाड्रन पायलट,युनिट: एअर ड्रॅगन" दीपिकाच्या या लूकला नेटकऱ्यांची पसंती मिळाली आहे. नेटकऱ्यांनी दीपिकानं शेअर केलेल्या फोटोवर लाइक्स आणि कमेंट्सचा वर्षाव केला आहे.
View this post on Instagram
याआधी 'फायटर' या चित्रपटातील हृतिक रोशनचा लूक रिलीज करण्यात आला. त्याच्या या लूकनं देखील अनेकांचे लक्ष वेधले आहे. हृतिक रोशननं सोशल मीडियावर त्याच्या फायटर या चित्रपटामधील लूकचा फोटो सोशल मीडियावर शेअर केला. 'फायटर' या चित्रपटामध्ये हृतिक हा स्क्वाड्रन लीडर समशेर पठानिया ही भूमिका साकारणार आहे.
कधी रिलीज होणार फायटर? (Fighter Release Date)
फायटर या चित्रपटात दीपिका आणि हृतिक यांची जोडी बघायला प्रेक्षक उत्सुक आहेत. कारण फायटर या चित्रपटाच्या माध्यमातून दीपिका आणि हृतिक हे पहिल्यांदाच स्क्रिन शेअर करणार आहेत. 'फाइटर' हा चित्रपट पुढच्या वर्षी 25 जानेवारी 2024 रोजी थिएटरमध्ये दाखल होणार आहे. वॉर, बँग बँग या चित्रपटाचे दिग्दर्शक सिद्धार्थ आनंद यांनी या चित्रपटाचं दिग्दर्शन केलं आहे. अभिनेते अनिल कपूर देखील या चित्रपटात महत्वाची भूमिका साकारणार आहेत.
Marflix Pictures च्या सहकार्याने Viacom18 Studios द्वारे निर्मित आणि प्रस्तुत करण्यात आलेल्या फायटर हा चित्रपट 25 जानेवारी 2024 रोजी सिनेमागृहात दाखल होण्यासाठी सज्ज झाला आहे.
संबंधित बातम्या:
Fighter First Look OUT: 'फायटर' मधील हृतिक रोशनचा लूक आऊट! चित्रपटात साकारणार 'ही' भूमिका
महत्त्वाच्या बातम्या
ट्रेंडिंग न्यूज
