Fighter Box Office Collection : हृतिकच्या 'फायटर'चं शानदार लॅन्डिंग; बॉक्स ऑफिसवर पाडला पैशांचा पाऊस

Fighter Box Office Collection : हृतिक रोशन (Hrithik Roshan) आणि दीपिका पादुकोण (Deepika Padukone) यांच्या 'फायटर' या सिनेमाने ओपनिंग डेला चांगलीच कमाई केली आहे.

Fighter (Photo : IMDB)

Fighter Box Office Collection Day 1 : 'फायटर' (Fighter) हा 2024 च्या बहुप्रतिक्षित सिनेमांपैकी एक असून या सिनेमाची प्रेक्षक आतुरतेने वाट पाहत होते. अखेर 25 जानेवारी 2024 रोजी हा सिनेमा प्रेक्षकांच्या भेटीला आला आहे. बॉक्स ऑफिसवर 'फायटर'चं लॅन्डिंग शानदार झालं आहे. रिलीजच्या पहिल्या दिवशी अर्थात ओपनिंग डेला या सिनेमाने बॉक्स ऑफिसवर पैशांचा पाऊस पाडला आहे.

'फायटर' या सिनेमाची प्रेक्षकांना उत्सुकता होती. घोषणा झाल्यापासून प्रेक्षक या सिनेमाची प्रतीक्षा करत होते. हृतिक रोशन (Hrithik Roshan), दीपिका पादुकोण (Deepika Padukone) आणि अनिल कपूर (Anil Kapoor) या सिनेमात महत्त्वाच्या भूमिकेत आहेत. या सिनेमातील हृतिक-दीपिकाची ऑनस्क्रीन केमिस्ट्री चाहत्यांच्या पसंतीस उतरली आहे. 

'फायटर'ने रिलीजच्या पहिल्या दिवशी किती कमाई केली? (Fighter Box Office Collection Day 1)

'फायटर' हा सिनेमा रिलीजच्या पहिल्या दिवशी किती कोटींची कमाई करणार याकडे सर्वांचं लक्ष लागलं होतं. सॅकनिल्क एंटरटेनमेंटच्या रिपोर्टनुसार, 'फायटर' या सिनेमाने रिलीजच्या पहिल्या दिवशी 22 कोटींची कमाई केली आहे. आता प्रजासत्ताक दिनी आणि विकेंडला या सिनेमाच्या कमाईत आणखी वाढ होऊ शकते, असे म्हटले जात आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Hrithik Roshan (@hrithikroshan)

'फायटर' एका आठवड्यात पार करणार 100 कोटींचा टप्पा

हृतिक रोशन आणि दीपिका पादुकोण अभिनीत 'फायटर' हा सिनेमा बॉक्स ऑफिस गाजवण्यासाठी सज्ज आहे. रिलीजच्या पहिल्या आठवड्यातच हा सिनेमा 100 कोटींचा टप्पा पार करणार असल्याचं म्हटलं जात आहे. 'फायटर'ला प्रेक्षकांचा सकारात्मक प्रतिसाद मिळत आहे.

दमदार स्टारकास्ट असलेला 'फायटर' (Fighter Movie Starcast)

'फायटर' या सिनेमात हृतिक रोशन आणि दीपिका पादुकोण मुख्य भूमिकेत आहेत. तसेच अनिल कपूर, करण सिंह ग्रोवर, अक्षय ओबेरॉय, संजीदा शेख, तलत अजीज, संजीव जयसवाल, ऋषभ साहनी आणि आशुषोष राणा हे कलाकार महत्त्वाच्या भूमिकेत आहेत. सिद्धार्थ आनंदने (Siddharth Anand) या सिनेमाच्या दिग्दर्शनाची धुरा सांभाळली आहे.

हृतिक रोशनच्या 'वॉर' आणि 'बँग बँग' या सिनेमांनी आतापर्यंत ओपनिंग डेला सर्वाधिक कमाई केली आहे. सिद्धार्थ आनंद दिग्दर्शित वॉर हा सिनेमा 2019 मध्ये प्रेक्षकांच्या भेटीला आला होता. या सिनेमाने रिलीजच्या पहिल्या दिवशी 53 कोटींची ओपनिंग कमाई केली. तर बँग बँग या सिनेमाने ओपनिंग डेला 27.54 कोटींची कमाई केली होती. 

संबंधित बातम्या