Entertainment News Live Updates टीव्हीपासून ते बॉलिवूडपर्यंत मनोरंजन विश्वात काय घडतंय जाणून घ्या एका क्लिकवर
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Oppenheimer Box Office Collection : 'ओपनहायमर' (Oppenheimer) हा हॉलिवूड सिनेमा सध्या चर्चेत आहे. जगभरातील बॉक्स ऑफिसवर हा सिनेमा धुमाकूळ घालत आहे. भारतीय सिने-रसिक या सिनेमाची आतुरतेने वाट पाहत होते. त्यामुळे आता हा सिनेमा रिलीज झाल्यामुळे प्रेक्षक पुन्हा पुन्हा हा सिनेमा पाहायला जात आहेत. 'ओपनहायमर' या सिनेमाने भारतात 100 कोटींचा टप्पा पार केला आहे.
Sunny Deol At Golden Temple Before Gadar 2 Release : बॉलिवूडचा लोकप्रिय अभिनेता सनी देओल (Sunny Deol) सध्या त्याच्या आगामी 'गदर 2' (Gadar 2) या सिनेमामुळे चर्चेत आहे. सध्या या सिनेमाचं तो जोरदार प्रमोशन करत आहे. येत्या 11 ऑगस्टला हा सिनेमा प्रेक्षकांच्या भेटीला येणार आहे. 'गदर 2'च्या रिलीजआधी सनी देओलने पंजाबच्या सुवर्ण मंदिराचं दर्शन घेतलं आहे.
Alia Bhatt Wedding : बॉलिवूड अभिनेत्री आलिया भट्ट (Alia Bhatt) सध्या 'रॉकी और रानी की प्रेम कहानी' (Rocky Aur Rani Ki Prem Kahani) या सिनेमामुळे चर्चेत आहे. 28 जुलै 2023 रोजी प्रदर्शित झालेल्या या सिनेमाला प्रेक्षकांचा सकारात्मक प्रतिसाद मिळत आहे. दरम्यान आलियाने एकाच आठवड्यात दोन लग्न केली असल्याचं वक्तव्य करण जोहरने (Karan Johar) केलं आहे. त्याच्या या वक्तव्याने सर्वांचं लक्ष वेधून घेतलं आहे.
Alia Bhatt : आलिया भट्टने एकाच आठवड्यात दोनदा लग्न केलं? करण जोहरचं वक्तव्य चर्चेत
Friendship Day 2023: मैत्री म्हणजे विश्वास आणि आपुलकीचं नातं (Friendship Day 2023). मैत्री या नात्यावर अनेक कवींनी कविता केल्या आहेत. तसेच मैत्रीवर आधारित अनेक चित्रपट देखील तुम्ही पाहिले असतील. मैत्री या नात्यावर आधारित असलेल्या छोट्या पडद्यावरील काही मालिका देखील प्रेक्षकांच्या भेटीस आल्या होत्या. जाणून घेऊयात या मालिकांबद्दल...
Sharad Ponkshe : ज्येष्ठ रंगकर्मी अशोक मुळ्ये यांच्या संकल्पनेतून कॅन्सरवर मात करुन आनंदाने आयुष्य जगणाऱ्या लढवय्यांचा आनंद मेळावा आयोजित करण्यात आला होता. या कार्यक्रमाला कॅन्सरवर मात केलेली अनेक मंडळी उपस्थित होते. मराठी मनोरंजनसृष्टी गाजवणारे लोकप्रिय अभिनेते आणि कॅन्सरवर मात करणारे शरद पोंक्षे (Sharad Ponkshe) या कार्यक्रमाला प्रमुख अतिथी म्हणून उपस्थित होते. दरम्यान संकटाला स्वीकारा, मार्ग सापडले असा संदेश शरद पोंक्षे यांनी कॅन्सरग्रस्तांना दिला.
Sharad Ponkshe : संकटाला स्वीकारा, मार्ग सापडले; कॅन्सरग्रस्तांना शरद पोंक्षेंचा संदेश
Yashraj Mukhate New Song: PUBG खेळताना प्रेमात पडलेल्या भारताचा सचिन आणि सीमा हैदर (Seema Haider) यांच्या लव्ह स्टोरीची चर्चा गेल्या काही दिवसांपासून संपूर्ण देशात होत आहे. सीमा आणि सचिन यांच्या प्रेमकथेवर अनेक मीम्स, व्हिडीओ नेटकरी तयार करत आहेत. चित्रपटातील सिन्स, कलाकारांचे डायलॉग्स या सर्वांना म्युझिकल ट्विस्ट देण्याऱ्या यशराज मुखाटेनं (Yashraj Mukhate) नुकतेच सचिन आणि सीमा हैदर यांच्याबाबत एका महिलेनं केलेल्या कमेंटवर गाणं तयार केलं आहे. हे गाणं सध्या सोशल मीडियावर व्हायरल झालं आहे.
Jar Tarchi Goshta : सुमारे एका दशकानंतर मराठी इंडस्ट्रीतील ‘क्यूट आणि परफेक्ट कपल’ म्हणजेच प्रिया बापट (Priya Bapat) आणि उमेश कामत (Umesh Kamat) रंगभूमीवर एकत्र आले आहेत. या कपलची पडद्यामागील केमिस्ट्री जितकी त्यांच्या चाहत्यांना आवडते तितकीच रंगभूमीवर पाहायलाही आवडते. हीच सुंदर केमिस्ट्री नाट्यरसिकांना आता नाट्यगृहात पाहायला मिळणार आहे.प्रिया बापट सादर करत असलेल्या ‘जर तर ची गोष्ट’ या नाटकाचा नुकताच शुभारंभ झाला असून पहिल्याच प्रयोगासाठी ‘हाऊसफुल्ल’चा बोर्ड झळकला आहे.
Marathi Movies On Friendship Day 2023 : वयाचं, सीमेचं बंधन नसलेलं नातं म्हणजे मैत्रीचं नातं. ऑगस्ट महिन्याच्या पहिल्या रविवारी जगभरात मैत्री दिन (Friendship Day 2023) साजरा केला जातो. आज 'फ्रेंडशिप डे'निमित्त तुम्हाला तुमच्या मित्रमंडळींसोबत घरातच धमाल मस्ती करत छान वेळ घालवायचा असेल तर मैत्रीवर आधारित, मैत्रीचा खरा अर्थ उलगडणारे भन्नाट मराठी सिनेमे तुमच्या लाडक्या मित्र-मंडळींसोबत नक्की पाहा...
Friendship Day 2023 : 'अशी ही बनवा बनवी' ते 'दुनियादारी'; आज 'फ्रेंडशिप डे'निमित्त तुमच्या मित्र-मैत्रिणींसोबत 'हे' सिनेमे नक्का पाहा...
Ileana D'cruz Delivered A Baby Boy : अभिनेत्री इलियाना डिक्रूज (Ileana D'cruz) आई झाली आहे. 1 ऑगस्ट 2023 रोजी इलियानाने एका गोंडस बाळाला जन्म दिला आहे. अभिनेत्रीने सोशल मीडियाच्या माध्यमातून चाहत्यांना आनंदाची बातमी दिली आहे. लेकाची पहिली झलक चाहत्यांसोबत शेअर करत तिने त्यांच्या नावाचीही घोषणा केली आहे. अभिनेत्रीने तिच्या लाडक्या लेकाचं नाव 'कोआ फिनिक्स डोलन' असं ठेवलं आहे. तसेच या गोड फोटोवर बाळाची जन्मतारीखही लिहिलेली आहे.
Nitin Desai : ख्यातनाम कला दिग्दर्शक नितीन चंद्रकांत देसाई (Nitin Desai) यांनी आत्महत्या करत आपलं आयुष्य संपवलं. त्यांच्या आत्महत्येनंतर अनेक प्रश्न आता उपस्थित होत आहेत. एडलवाईज कंपनीवर याप्रकरणात गुन्हा दाखल झाला आहे. दरम्यान "माझ्या वडिलांनी कोणालाच फसवलेलं नाही", अशी प्रतिक्रिया नितीन देसाई यांची लेक मानसी देसाईने दिली आहे.
Nitin Desai : "माझ्या वडिलांनी कोणालाच फसवलेलं नाही"; नितीन देसाईंच्या मुलीची पहिली प्रतिक्रिया
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Jayprabha Studio : कोल्हापुरातील जयप्रभा स्टुडिओ पुन्हा सरकारच्या ताब्यात; गौरवाशाली वारसा अबाधित राहणार
Jayprabha Studio : कोरोना महामारी सुरु असतानाच विकण्यात आलेला कोल्हापुरातील (Kolhapur News) जयप्रभा स्टुडिओ पुन्हा सरकारच्या ताब्यात जाणार आहे. त्यामुळे मराठी चित्रपटसृष्टीच्या गौरवशाली परंपरेचा भाग असलेल्या जयप्रभा स्टुडिओवरून सुरु असलेल्या वादावर अखेर पडला आहे. शिंदे गटाचे नेते राजेश क्षीरसागर यांच्या मुलांनी भागीदारीत स्टुडिओ विकत घेतल्यानंतर प्रचंड वाद निर्माण झाला होता. स्टुडिओ बचावासाठी आंदोलने, उपोषणही करण्यात आले. कलाकारांनी सुद्धा आंदोलन करत विरोध केला होता. त्यामुळे प्रदीर्घ लढ्याला यश आले असून स्टुडिओ पुन्हा सरकारकडे जाणार आहे. लता मंगेशकर यांच्याकडून स्टुडिओची विक्री करण्यात आली होती. जयप्रभा स्टुडिओच्या जागेचा जागेचा ताबा घेण्याचे कोल्हापूर महापालिकेला आदेश देण्यात आले आहेत.
Kon Honar Crorepati : 'कोण होणार करोडपती'च्या मंचावर पल्लवी जोशीबरोबर रंगणार गप्पांची मैफील! आज रंगणार विशेष भाग
Kon Honar Crorepati : 'कोण होणार करोडपती' (Kon Honar Crorepati) हा छोट्या पडद्यावरील लोकप्रिय कार्यक्रम आहे. अल्पावधीतच हा कार्यक्रम प्रेक्षकांच्या पसंतीस उतरला आहे. आज या कार्यक्रमाचा विशेष भाग पार पडणार आहे. आजच्या विशेष भागात अभिनेत्री पल्लवी जोशीबरोबर (Pallavi Joshi) गप्पांची मैफील रंगणार आहे.
Kangana Ranaut : 'Chandramukhi 2' सिनेमातील कंगना रनौतचा फर्स्ट लूक आऊट! शाही अंदाजात दिसली 'पंगाक्वीन'
Kangana Ranaut Chandramukhi 2 First Look Out : बॉलिवूडची 'पंगाक्वीन' अर्थात कंगना रनौत (Kangana Ranaut) सध्या तिच्या आगामी 'चंद्रमुखी 2' (Chandramukhi 2) या सिनेमामुळे चर्चेत आहे. आता या सिनेमातील अभिनेत्रीचा फर्स्ट लूक प्रेक्षकांच्या भेटीला आला आहे. 'चंद्रमुखी 2' सिनेमातील कंगनाचा लूक सोशल मीडियावर व्हायरल होत आहे. कंगना रनौतने 'चंद्रमुखी 2' (Kangana Ranaut Shared Chandramukhi 2 Look) सिनेमातील आपला लूक सोशल मीडियावर शेअर केला आहे.
- - - - - - - - - Advertisement - - - - - - - - -