Emergency Teaser : 'Emergency'चा टीझर रिलीज; कंगना रनौतनं साकारली इंदिरा गांधींची भूमिका
Emergency Teaser : लवकरच कंगनाचा Emergency हा चित्रपट प्रेक्षकांच्या भेटीस येणार आहे.
Emergency Teaser : अभिनेत्री कंगना रनौत (Kangana Ranaut) तिच्या अभिनयानं नेहमीच प्रेक्षकांची मनं जिंकते. कंगना तिच्या सोशल मीडियावर पोस्टमुळे आणि वक्तव्यांमुळे चर्चेत असते. कंगनाच्या चित्रपटांची तिचे चाहते उत्सुकतेने वाट पाहतात. लवकरच कंगनाचा इमरजंसी (Emergency) हा चित्रपट प्रेक्षकांच्या भेटीस येणार आहे. या चित्रपटाचा टीझर रिलीज झाला आहे. टीझरमध्ये कंगना ही इंदिरा गांधी यांच्या भूमिकेत दिसत आहे.
Emergency चित्रपटाचा टीझर कंगनानं सोशल मीडिया अकाऊंवर शेअर केला आहे. हा टीझर शेअर करुन तिनं कॅप्शनमध्ये लिहिलं, 'Presenting ‘Her’who was called ‘Sir’ इमरजंसीच्या शूटिंगला सुरुवात' टीझरच्या सुरुवातीला वॉशिंग्टन डी. सी 1971 असं लिहिलेलं दिसत आहे. इमरजंसी चित्रपटाचे दिग्दर्शन, कथा लेखन आणि निर्मिती देखील कंगनानं केलं आहे. चित्रपटाचा स्क्रिनप्ले आणि संवाद लेखन हे रितेश शाह यांनी केलं आहे. कंगनाच्या चाहत्यांनी या टीझरला कमेंट करुन तिला शुभेच्छा दिल्या आहेत.
पाहा टीझर:
View this post on Instagram
कंगनाचे चित्रपट
कंगनाचा धाकड सिनेमा काही दिवसांपूर्वी प्रेक्षकांच्या भेटीस आला होता. पण हा सिनेमा बॉक्स ऑफिसवर फारशी जादू दाखवू शकला नाही. धाकड चित्रपट झी-5 या ओटीटी प्लॅटफॉर्मवर सध्या प्रेक्षक पाहू शकतात. तिचा 'तेजस' हा चित्रपट लवकरच रिलीज होणार आहे. या चित्रपटात कंगनाने भारतीय हवाई दलाच्या फायटर पायलटची भूमिका साकारली आहे. कंगनाने तिच्या 'मणिकर्णिका रिटर्न्स' आणि 'सीता - द इनकार्नेशन' या चित्रपटांची घोषणा केली आहे. कंगनाचा 'टिकू वेड्स शेरू' हा आगामी चित्रपट देखील लवकरच प्रेक्षकांच्या भेटीस येणार आहे. नवाजुद्दीन सिद्दीकी आणि अवनीत कौर यांच्या प्रमुख भूमिका असलेल्या 'टिकू वेड्स शेरू' या चित्रपटाची कंगनानं निर्मिती करत आहे. कंगनानं अनेक बायोपिक्समध्ये काम केलं आहे. जयललीता यांच्या थलाइवी या चित्रपटात कंगनानं प्रमुख भूमिका साकारली. तर तिच्या मणिकर्णिका या चित्रपटाला प्रेक्षकांची पसंती मिळाली. आता कंगनाच्या Emergency या चित्रपटाची प्रेक्षक उत्सुकतेने वाट बघत आहेत.
हेही वाचा:
महत्त्वाच्या बातम्या
ट्रेंडिंग न्यूज
