Dipika Kakar and Shoaib Ibrahim: लग्नानंतर पाच वर्षांनी दीपिका-शोएब झाले आई-बाबा; अभिनेत्रीनं दिला मुलाला जन्म
दीपिकानं आज (21 जून) मुलाला जन्म दिला आहे. शोएबनं सोशल मीडियाच्या माध्यमातून ही आनंदाची बातमी चाहत्यांना दिला आहे.
Dipika Kakar and Shoaib Ibrahim: अभिनेत्री दीपिका कक्कर (Dipika Kakar) आणि तिचा पती अभिनेता शोएब इब्राहिम (Shoaib Ibrahim) यांच्या घरी एका चिमुकल्या पाहुण्याचे आगमन झालं आहे. दीपिकानं आज (21 जून) सकाळी मुलाला जन्म दिला आहे. शोएबनं सोशल मीडियाच्या माध्यमातून ही आनंदाची बातमी चाहत्यांना दिला आहे.
शोएबची पोस्ट
शोएबनं (Shoaib Ibrahim) सोशल मीडियावरील पोस्टमध्ये लिहिलं, 'आज 21 जून 2023 रोजी आम्हाला मुलगा झाला आहे. ही प्री-मॅच्युअर डिलेव्हरी आहे. पण काळजी करण्यासारखे काही नाहीये.'
22 फेब्रुवारी 2018 रोजी शोएब आणि दीपिका यांनी लग्नगाठ बांधली. शोएब आणि दीपिका यांनी ससुराल सिमर का या मालिकेमध्ये काम केलं होतं. युट्यूब व्लॉगच्या माध्यमातून शोएब आणि दीपिका हे त्यांच्या वैयक्तिक आयुष्याची माहिती चाहत्यांना देत असतात.
दीपिकानं सध्या अभिनय क्षेत्रामधून ब्रेक घेतला आहे. काही दिवसांपूर्वी एका मुलाखतीत दीपिकाने सांगितले होते की, तिला कुटुंबासाठी थोडा वेळ द्यायचा आहे आणि सध्या तिला कामातून ब्रेक हवा आहे. तसेच शोएब हा अजूनी या मालिकेमधून प्रेक्षकांच्या भेटीस येत आहे. या मालिकेला प्रेक्षकांची पसंती मिळाली आहे.
View this post on Instagram
दीपिकानं 2011 मध्ये रौनक मेहतासोबत लग्नगाठ बांधली. पण त्यांचा संसार फार काळ टिकला नाही. रौनक आणि दीपिकाचा 2015 मध्ये घटस्फोट झाला. ससुराल सिमर का या मालिकेमुळे दीपिकाला विशेष लोकप्रियता मिळाली. या मालिकेमध्ये तिनं सिमर ही भूमिका साकारली होती. शोएबनं देखील ससुराल सिमर का या कार्यक्रमामध्ये प्रेम ही भूमिका साकारली होती. या कार्यक्रमामधील शोएब आणि दीपिका यांच्या ऑनस्क्रिन केमिस्ट्रीला प्रेक्षकांची पसंती मिळाली.
दीपिका आणि शोएब हे दोघेही एकमेकांसोबतचे रोमँटिक फोटो सोशल मीडियावर शेअर करतात. शोएबला इन्स्टाग्रामवर 3 मिलियन फॉलोवर्स आहेत तर दीपिकाला इन्स्टाग्रामवर 3.6 मिलियन फॉलोवर्स आहेत. दोघांच्या सोशल मीडियावरील पोस्ट नेटकऱ्यांचे लक्ष वेधतात.
दीपिकानं अनेक मालिकांमध्ये काम केलं आहे. ती सलमान खानचा (Salman Khan) लोकप्रिय कार्यक्रम 'बिग बॉस 12'चीदेखील (Bigg Boss 12) विजेती ठरली होती.
संबंधित बातम्या
Before You Go
Celebrity vs Politicians Cricket Match Sangli: सिद्धार्थ जाधवची फटकेबाजी, विशाल पाटलांची जबरदस्त फिल्डिंग
महत्त्वाच्या बातम्या
