The Kashmir Files : 'द कश्मीर फाइल्स'ला मिळणार होता गानकोकीळा लतादीदींचा आवाज, पण..., विवेक अग्निहोत्रीने केला खुलासा

The Kashmir Files : गानकोकीळा लता मंगेशकर 'द कश्मीर फाइल्स' सिनेमात एक विशेष गाणं गाणार होत्या.

The_Kashmir_Files

The Kashmir Files : विवेक अग्निहोत्री (Vivek Agnihotri) दिग्दर्शित 'द कश्मीर फाइल्स' (The Kashmir Files) हा सिनेमा प्रेक्षकांच्या पसंतीस उतरत आहे. नुकतेच या सिनेमासंदर्भात विवेक अग्निहोत्रीने मोठा खुलासा केला आहे. विवेक अग्निहोत्री म्हणाले, गानकोकीळा लता मंगेशकर 'द कश्मीर फाइल्स' सिनेमात एक विशेष गाणं गाणार होत्या. पण कोरोनाचा प्रादुर्भाव वाढत असल्याने ते शक्य झाले नाही. 

'द कश्मीर फाइल्स' सिनेमात धांकडधिंगा असणाऱ्या गाण्यांना वाव नव्हता. पण सिनेमात लोकगीत असावीत आणि ती गानसम्राज्ञी लता मंगेशकर यांनी गावी, अशी विवेक अग्निहोत्री यांची इच्छा होती. पण आता त्यांची ही इच्छा अपूर्ण राहिली आहे. 

विवेक अग्निहोत्रींनी गानसम्राज्ञी लता मंगेशकर यांना सिनेमासाठी गाणं गाण्याची विनंती केली होती. त्या विनंतीला मान देत लता मंगेशकरांनी ही विनंतीही मान्य केली होती. लता दीदी म्हणाल्या होत्या,"कोरोनाचा प्रादुर्भाव कमी झाल्यानंतर या गाण्याचे रेकॉर्डिंग करू".

 

 

 

 

 

View this post on Instagram

 

 

 

 

 

 

 

 

 

 

 

A post shared by Vivek Ranjan Agnihotri (@vivekagnihotri)

लता दीदींचे पल्लवी जोशीसोबत चांगले संबंध होते. त्यामुळेच त्यांनी या सिनेमासाठी गाणं गाण्याची तयारी दर्शवली होती. पण लता दीदींनी 6 फेब्रुवारी 2022 रोजी मुंबईतील ब्रीच कॅन्डी रुग्णालयात अखेरचा श्वास घेतला. त्यांच्या निधनानंतर जगभरातील संगीतप्रेमींनी शोक व्यक्त केला होता.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha