Dhak Dhak Trailer: बाईकवर स्वार होऊन रोड ट्रीपला निघालेल्या चार महिलांची भन्नाट गोष्ट; 'धक धक' चा धमाकेदार ट्रेलर रिलीज
Dhak Dhak Trailer: 'धक धक' या चित्रपटाचा ट्रेलर रिलीज झाला आहे. या ट्रेलरमध्ये चार महिलांच्या रोड ट्रीपची झलक दाखवण्यात आली आहे.
Dhak Dhak Trailer: अभिनेत्री फातिमा सना शेख (Fatima Sana Shaikh), दिया मिर्झा (Dia Mirza), रत्ना पाठक शाह (Ratna Pathak Shah) आणि संजना सांघी (Sanjana Sanghi) यांच्या 'धक धक' (Dhak Dhak) या चित्रपटाचा ट्रेलर रिलीज झाला आहे. या मोस्ट अवेटेड चित्रपटाच्या ट्रेलरमध्ये चार महिलांच्या रोड ट्रीपची झलक दाखवण्यात आली आहे. धक धक' या चित्रपटाच्या ट्रेलरला नेटकऱ्यांची पसंती मिळत आहे.
'धक धक' या चित्रपटाच्या ट्रेलरमध्ये चार अशा महिलांची माहिती देण्यात आली आहे, ज्यांना बाईक चालवायला आवडत असते. त्यापैकी एक रत्ना पाठक शाह आहेत. ट्रेलरमध्ये दिसते की, रत्ना या जेव्हा रस्त्यावर बाईक चालवत असतात तेव्हा काही मुलं त्यांची खिल्ली उडवतात. पण रत्ना या त्या मुलांना सडेतोड उत्तर देतात. ट्रेलरमध्ये दिसते की, रत्ना पाठक शाह, दीया मिर्जा, संजना सांघी आणि फातिमा सना शेख या चौघी मिळून एका रोड ट्रीपला जाण्यास ठरवतात. या रोड ट्रीपमध्ये त्यांना कोणकोणते अडथळे येतात हे 'धक धक' या चित्रपटात दाखवण्यात येणार आहे.
View this post on Instagram
धक-धक या चित्रपटाचे लेखन पारिजात जोशी आणि तरुण दुडेजा यांनी केले आहे. तर या चित्रपटाचं दिग्दर्शन तरुण दुडेज यांनी केले आहे. BLM Pictures, Outsider Flims Productions आणि Viacom18 Studios, अजित अंधारे, केविन वाझ आणि प्रांजल खंडारिया यांनी याची निर्मिती केली आहे. तापसी पन्नू ही धक धक या चित्रपटाची सह-निर्माती आहे. तापसीनं या आधी ब्लर या चित्रपटाची निर्मिती केली होती. निर्माती म्हणून तापसीचा हा दुसरा होम प्रोडक्शन चित्रपट आहे.
कधी रिलीज होणार चित्रपट?
धक धक या चित्रपटाचे शूटिंग नवी दिल्ली, ग्रेटर नोएडा, मनाली, लेह आणि लडाख येथे झाले आहे. हा चित्रपट 13 ऑक्टोबर रोजी चित्रपटगृहात प्रदर्शित होत आहे. प्रेक्षक धक धक या चित्रपटाची उत्सुकतेने वाट बघत आहेत. या चित्रपटाच्या ट्रेलरला देखील प्रेक्षकांची पसंती मिळत आहे.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
