एक्स्प्लोर

Valimai : बोनी कपूरचा 'वालीमाई' सिनेमा 24 फेब्रुवारीला झळकणार रुपेरी पडद्यावर

Valimai : बोनी कपूरचा 'वालीमाई' सिनेमा 24 फेब्रुवारीला प्रेक्षकांच्या भेटीला येणार आहे.

By : एबीपी माझा वेब टीम | Edited By: मंजिरी पोखरकर | Updated at : 02 Feb 2022 08:31 PM (IST)

वालीमाई

Valimai : प्रेक्षक प्रतीक्षा करत असलेला 'वालीमाई' (Valimai) सिनेमा 24 फेब्रुवारी रोजी रिलीज होणार आहे. या सिनेमात अजित कुमार (Ajith Kumar) मुख्य भूमिकेत असून एच विनोथने (H Vinoth's) या सिनेमाचे दिग्दर्शन केले आहे. या सिनेमात अॅक्शनचा तडका पाहायला मिळणार आहे. या सिनेमाचे निर्माते आणि झी स्टुडिओने यासंदर्भात माहिती दिली आहे.

सिनेमाचे पोस्टर शेअर करत बोनी कपूरने लिहिले आहे, शब्दांपेक्षा कृती बोलकी असते. आता प्रतीक्षा खरोखर संपली आहे. 24 फेब्रुवारी रोजी जगभरातील सिनेमागृहांत 'वालीमाई' सिनेमा प्रदर्शित होणार आहे. हा सिनेमा 13 जानेवारीला प्रदर्शित होणार होता. पण कोरोनाचा प्रादुर्भाव वाढत असल्याने सिनेमाची रिलीज डेट पुढे ढकलण्यात आली.

View this post on Instagram

A post shared by Boney.kapoor (@boney.kapoor)

अजित कुमारसह या सिनेमात हुमा कुरेशी आणि कार्तिकेय गुम्माकोंडा यांच्याही प्रमुख भूमिका आहेत. हा सिनेमा तमिळ, हिंदी, तेलुगू आणि कन्नड भाषेत प्रदर्शित होणार आहे. त्यामुळे प्रेक्षक आता या सिनेमाची आतुरतेने वाट पाहत आहे. लवकरच हा सिनेमा बॉक्स ऑफिसवर धुमाकूळ घालणार आहे.

संबंधित बातम्या