Bigg Boss 16 : 'बिग बॉस 16'चा विजेता MC Stan लवकरच लग्नबंधनात अडकणार; जाणून घ्या रॅपरच्या गर्लफ्रेंडबद्दल सर्वकाही...
MC Stan : 'बिग बॉस 16'चा विजेता एमसी स्टॅन लवकरच त्याची गर्लफ्रेंड बूबासोबत लग्नबंधनात अडकणार असल्याचे म्हटले जात आहे.
Bigg Boss 16 Winner MC Stan Wedding : 'बिग बॉस 16'चा (Bigg Boss 16) विजेता, रॅपर एमसी स्टॅन (MC Stan) सध्या चर्चेत आहे. हटके पर्सनॅलिटी आणि बोलण्याच्या अनोख्या स्टाइलमुळे चर्चेत असणारा स्टॅन आता गर्लफ्रेंड बुबामुळे (Buba) चर्चेत आला आहे. एमसी स्टॅनने नुकतंच एका मुलाखतीत जाहीर केलं होतं की तो लवकरच बुबासोबत लग्नबंधनात अडकणार आहे. त्यामुळे आता बुबा कोण आहे? काय करते? तिचं खरं नाव काय आहे? असे अनेक प्रश्न चाहत्यांना पडले आहेत.
'बिग बॉस 16'मध्ये एमसी स्टॅनने अनेकदा बुबाचं नाव घेतलं आहे. स्टॅनची आई फॅमिली वीकमध्ये 'बिग बॉस'च्या घरात त्याला भेटायला आली तेव्हा म्हणालेली की, "स्टॅन लवकरच बुबासोबत लग्न करणार आहे." आपल्या रॅपने लाखोंच्या हृदयावर राज्य करणारा एमसी स्टॅन लग्नबंधनात अडकणार असल्याने त्याचे चाहतेही आनंदी आहेत.
बुबाचं खरं नाव काय आहे?
एमसी स्टॅन त्याच्या गर्लफ्रेंडला 'बूबा' या नावाने हाक मारत असला तरी तिचं खरं नाव अनम शेख आहे. 24 वर्षीय बुबा आणि एमसी स्टॅनची लव्हस्टोरी खूपच फिल्मी आहे. बिग बॉसच्या घरात स्टॅनने अर्चना गौतम आणि सौंदर्या शर्माला त्याची लव्हस्टोरी सांगितली होती. स्टॅन म्हणाला होता की, "माझं बुबावर प्रेम आहे आणि आम्हाला लग्न करायचं आहे. त्यामुळे मी 30 ते 40 लोकांना घेऊन बुबाच्या घरी लग्नाची मागणी घालायला गेलो होतो. तिच्या घरच्यांना सांगितलं, आमच्या लग्नाला परवानगी द्या, नाहीतर तिला पळून घेऊन जाईन." बुबा ही एमसी स्टॅनची दुसरी गर्लफ्रेंड आहे. याआधी तो औझमा शेखसोबत रिलेशनमध्ये होता. औझमासोबत ब्रेकअप झाल्यानंतर तिने स्टॅनवर अनेक आरोप केले होते. त्यामुळे तो अडचणीतही आला होता.
View this post on Instagram
लग्नाआधी एमसी स्टॅनची अट काय आहे?
एमसी स्टॅनसाठी त्याचे आई-वडील सर्वस्व आहेत. आई-वडिलांच्या सुखासाठी तो काहीही करायला तयार आहे. त्यामुळे आई-वडिलांना त्रास होईल अशी कोणताही गोष्ट एमसी स्टॅनला करायची नाही. त्यामुळे त्याने लग्नानंतर आई-वडिलांना त्रास न देण्याचा, त्यांची काळजी घेण्याचा आणि भांडण न करण्याची अट बुबाला घातली आहे.
संबंधित बातम्या
MC Stan :'Bigg Boss 16'चा विजेता एमसी स्टॅन कोण आहे? जाणून घ्या रॅपरच्या संघर्षाची कहाणी...
महत्त्वाच्या बातम्या
