Mumbai : मुंबईत वेश्याव्यवसाय प्रकरणी भोजपुरी अभिनेत्रीला अटक, जाणून घ्या कोण आहे 'ही' अभिनेत्री...
Bhojpuri Actress Arrested : भोजपुरी अभिनेत्रीला मुंबई पोलिसांनी अटक केली आहे.
Bhojpuri Actress Arrested : मनोरंजनसृष्टीतील सेलिब्रिटी आणि त्यांचं ग्लॅमरस विश्व याची भूरळ सर्वसामान्यांना नेहमीच पडत आहे. पण या चमचमत्या जगाची काळी बाजू मात्र अनेकदा दुर्लक्षित राहते. आता भोजपुरी अभिनेत्रीला अटक केली आहे. वेश्याव्यवसायात ढकलण्याच्या आरोपाखाली मुंबई पोलिसांनी (Mumbai Police) तिला अटक केली आहे.
भोजपुरी अभिनेत्री कोण आहे? (Bhojpuri Actress Details)
वेश्याव्यवसायात ढकलण्याच्या प्रयत्न करणारी भोजपुरी अभिनेत्री अनेक सिनेमांत झळकली आहे. भोजपुरी मनोरंजनसृष्टीतील ती एक लोकप्रिय अभिनेत्री आहे. तिने लैला 'मजनू' आणि 'बाप नंबरी, बेटा दस नंबरी' सारख्या अनेक भोजपुरी सिनेमांत (Movies) काम केलं आहे. अभिनेत्री असण्यासोबत ती गायिकादेखील आहे. तिने भोजपुरी, हिंदीसह पंजाबी भाषेतील गाणी गायली आहे. ओटीटीवरील अनेक प्रोजेक्टमध्येदेखील सुमनने काम केलं आहे. गेल्या सहा वर्षांपासून ती मुंबईत राहत आहे. पण वेश्याव्यवसायात काम करायला तिने कधी सुरुवात केली हे अद्याप समोर आलेलं नाही.
नेमकं प्रकरण काय?
24 वर्षीय भोजपुरी अभिनेत्रीला (Bhojpuri Actress) 21 एप्रिल 2023 रोजी मुंबई पोलिसांनी अटक केली आहे. मुलींना (मॉडेल्स) मनोरंजनसृष्टीत काम करण्याची संधी देते असं सांगून त्यांना वेश्याव्यवसायात ढकलत असल्याने पोलिसांनी सुमनला अटक केली आहे. पोलिसांनी आता तीन मॉडेल्सची सुटका केली असून सध्या ते या प्रकरणाचा तपास घेत आहेत.
Maharashtra | A Bhojpuri actress Suman Kumari (24) has been arrested by Mumbai Police for allegedly forcing girls (models) into prostitution. Police also rescued 3 models. Further investigation is being done: Crime Branch, Mumbai police
— ANI (@ANI) April 21, 2023
मुंबईत चालतो वेश्याव्यवसाय
मीडिया रिपोर्टनुसार, एका अधिकाऱ्याला मुंबईतील (Mumbai) वेश्याव्यवसायासंदर्भात माहिती मिळाली. त्यानंतर एका ऑपरेशन अंतर्गत रॉयल पाल्म हॉटेलवर छापा टाकण्यात आला. त्याठिकाणी काही मॉडेल्स वेश्याव्यवसायासाठी पुरवल्या जात होत्या. पोलीस अधिकाऱ्याने दिलेल्या माहितीनुसार,"सिनेसृष्टीत आपल्या अभिनयाचा ठसा उमटवण्यासाठी तसेच चांगलं करिअर बनवण्यासाठी मुंबईत आलेल्या नवोदित महिला कलाकारांना वेश्याव्यवसायात ढकललं जात होतं. तसेच पैसे कमवण्यासाठी महिला कलाकारदेखील वेश्येचे काम करत होत्या".
भोजपुरी अभिनेत्री आधी पोलिसांनी अभिनेत्री आरती मित्तला वेश्याव्यवसायात ढकलण्याचा आरोपाखाली अटक केली होती. पोलिसांनी आरतीला रंगेहाथ पकडलं होतं.
संबंधित बातम्या
Honey Singh: अपहरण आणि मारहाण केल्याच्या आरोपांवर हनी सिंहची प्रतिक्रिया; म्हणाला, 'माझ्यावर करण्यात आलेले आरोप...'
महत्त्वाच्या बातम्या
ट्रेंडिंग न्यूज
