Baipan Bhaari Deva : 'बाईपण भारी देवा' हा सिनेमा फक्त महिलांनी नाही तर प्रत्येक पुरुषांनीही पाहायला हवा : राज ठाकरे

Baipan Bhaari Deva : बाईपण भारी देवा हा सिनेमा बॉक्स ऑफिसवर सत्ता गाजवत असून आता राज ठाकरेंनीदेखील हा सिनेमा पाहिला आहे.

Baipan Bhaari Deva

Baipan Bhaari Deva : 'बाईपण भारी देवा' (Baipan Bhaari Deva) या सिनेमाचा सध्या सर्वत्र बोलबाला आहे. 'बाईपण भारी देवा' हा सिनेमा बॉक्स ऑफिसवरील सत्ता गाजवत आहेच परंतु आता प्रतिष्ठीत व्यक्तिमत्वांनीही या सिनेमाचं भरभरुन कौतुक केलं आहे. मनसे अध्यक्ष राज ठाकरे (Raj Thackeray) यांनीदेखील हा सिनेमा पाहिला असून 'बाईपण भारी देवा' हा सिनेमा फक्त महिलांनी नाही तर प्रत्येक पुरुषांनीही पाहायला हवा, असं मत त्यांनी व्यक्त केलं आहे.

'बाईपण भारी देवा' या सिनेमाबद्दल बोलताना राज ठाकरे (Raj Thackeray On Baipan Bhaari Deva) म्हणाले,"बाईपण भारी देवा' हा सिनेमा स्त्रिया पाहत आहेतच पण पुरुषांनीही पहावा असा हा सिनेमा आहे. आपल्या माता, भगिनी कोणत्या कोणत्या परिस्थितीतून जातात ते समजण्याची ही गरज आहे. सिनेमा पाहिल्यावर महिला स्वतःला रिलेट तर करतातच, परंतू पुरुषांनीही आपल्या रोजच्या जीवनात जर काही चुकीच्या गोष्टी असतील तर त्या काढून टाकणं गरजेचं आहे. आणि म्हणूनच बाईपणच्या कथानकाचं खरं यश हे आहे". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Kedar Shinde (@kedarshindems)

'बाईपण भारी देवा' या सिनेमात कलाकारांचा उत्तम अभिनय, उत्कृष्ट कथानक, सुरेल गाणी अन् दिग्दर्शक केदार शिंदे यांच्या अष्टपैलू दिग्दर्शनामुळे बॉक्सऑफिसवर मराठी सिनेमाने, इतर अनेक सिनेमांना मागे टाकत, आपला जोरदार ठसा उमटवला आहे. जगभरातील बॉक्स ऑफिसवर सध्या 'बाईपण भारी देवा' या मराठी सिनेमाचा बोलबाला आहे.

आजपासून फक्त 100 रुपयांत पाहता येणार 'बाईपण भारी देवा'

'बाईपण भारी देवा' (Baipan Bhaari Deva Special Offer) हा सिनेमा आजपासून फक्त 100 रुपयांत पाहता येणार आहे. केदार शिंदेंनी एक खास पोस्ट शेअर करत यासंदर्भात माहिती दिली आहे. त्यांनी लिहिलं आहे,"हा सिनेमा "तीने" डोक्यावर घेतला. पण खरतर मी तो पुरूषांसाठी सादर केला होता. कारण जोवर तो तीचं मन समजून घेत नाही तोवर काहीच वेगळं घडणार नाही!! आता मात्र तीचा मान सन्मान राखा. या शुक्रवार पासून ही बंपर ॲाफर समस्त पुरूष वर्गाला!! चांगला सिनेमा तुमची थिएटर मध्ये वाट पाहतोय... फक्त 100 रुपयांत".

'बाईपण भारी देवा' हा सिनेमा लवकरच 100 कोटींचा टप्पा पार करणार आहे. केदार शिंदे (Kedar Shinde) दिग्दर्शित या सिनेमात वंदना गुप्ते (Vandana Gupte), रोहिणी हट्टंगडी (Rohini Hattangadi), सुचित्रा बांदेकर (Suchitra Bandekar), शिल्पा नवलकर (Shilpa Navalakar), सुकन्या मोने (Sukanya Mone) आणि दीपा परब (Deepa Parab) मुख्य भूमिकेत आहेत.

संबंधित बातम्या