Avatar 2 OTT Release : प्रतीक्षा संपली; निळ्या विश्वाची जादू आता घरबसल्या पाहा; 'अवतार द वे ऑफ वॉटर' ओटीटीवर रिलीज

Avatar The Way Of Water : सिनेमागृहात धुमाकूळ घातल्यानंतर 'अवतार द वे ऑफ वॉटर' हा सिनेमा आता ओटीटीवर रिलीज झाला आहे.

Avatar 2

Avatar The Way Of Water OTT Release : 'अवतार द वे ऑफ वॉटर' (Avatar The Way Of Water) हा सिनेमा आता सिनेमागृहात धुमाकूळ घातल्यानंतर ओटीटी प्लॅटफॉर्मवर रिलीज होणार आहे. जगभरातील बॉक्स ऑफिसवर या सिनेमाने चांगलाच धमाका केला. गेल्या काही दिवसांपासून अवतारचे चाहते हा सिनेमा ओटीटीवर कधी रिलीज होणार याची प्रतीक्षा करत होते. अखेर आता हा सिनेमा ओटीटीवर रिलीज झाला आहे. 

'अवतार 2' कुठे पाहू शकता? 

'अवतार 2' हा सिनेमा प्रेक्षक प्राइम व्हिडीओ (Prime Video) या ओटीटी प्लॅटफॉर्मवर पाहू शकतात. त्यामुळे आता निळ्या विश्वाची जादू सिने-रसिकांना घरबसल्या पाहता येणार आहे. 'अवतार 2' (Avatar 2) हा सिनेमा 16 डिसेंबर 2022 रोजी सिनेमागृहात प्रदर्शित झाला. जगभरातील बॉक्स ऑफिसवर या सिनेमाने चांगलाच धमाका केला. लहान मुलांपासून वयोवृद्धांपर्यंत सर्वांनाच हा सिनेमा भावला.

 

 

 

 

 

View this post on Instagram

 

 

 

 

 

 

 

 

 

 

 

A post shared by Avatar (@avatar)

'अवतार 2' बॉक्स ऑफिस कलेक्शन  (Avatar 2 Box Office Collection)

मीडिया रिपोर्टनुसार, 'अवतार 2' या सिनेमाची निर्मती 400 मिलियन डॉलरमध्ये करण्यात आली आहे. जेम्स कॅमेरॉनच्या 'अवतार द वे ऑफ वॉटर' या सिनेमाने जगभरात 2.28 बिलियन डॉलरची कमाई केली आहे. या सिनेमाने 'अॅव्हेंजर्स एंडमेग' आणि 'टायटॅनिक' या बहुचर्चित सिनेमांना कमाईच्या बाबतीत मागे टाकलं आहे. आजही जगभरात 'अवतार 2' या सिनेमाची क्रेझ कायम आहे. 

जेम्स कॅमेरॉनच्या 'अवतार द वे ऑफ वॉटर' या सिनेमाची नाळ एका अद्भुत दुनियेशी जोडली गेली आहे. समुद्र, समुद्रातील प्राणी त्यांच्यातील विविधता अशा अनेक गोष्टींवर भाष्य करणारा हा सिनेमा आहे. या सिनेमाचा पहिला भाग 2009 साली प्रेक्षकांच्या भेटीला आला होता. त्यावेळी या सिनेमाने 20 हजार 268 कोटींचा गल्ला जमवला होता. 

तगडी स्टारकास्ट असलेला 'अवतार द वे ऑफ वॉटर'

'अवतार द वे ऑफ वॉटर' या सिनेमात सॅम वर्थिंग्टन (Sam Wothington), जो सलदाना (Zoe Saldana) मुख्य भूमिकेत आहेत. तसेच जिओव्हानी रिबिसी, जोएल डेव्हिड मूर, दिलीप राव, मॅट जेराल्ड, जॅक चॅम्पियन, एडी फाल्को, ब्रेंडन कॉवेल, मिशेल येओहह आणि जेमेन क्लेमेंट हे कलाकारदेखील महत्त्वाच्या भूमिकेत आहेत. 

संबंधित बातम्या