विराट कोहलीने कसोटी कर्णधारपद सोडल्यानंतर अनुष्का शर्माची इमोशनल पोस्ट
Anushka on Kohli Retirement : विराट कोहलीने भारतीय कसोटी संघाचं कर्णधारपदही सोडलं आहे. विराटने घेतलेल्या या निर्णयावर त्याची पत्नी अनुष्का शर्माने एक इमोशनल पोस्ट लिहिली आहे.
Anushka on Kohli Retirement : विराट कोहलीने टी 20 आणि एकदिवशीय कर्णधारपदानंतर भारतीय कसोटी संघाचं कर्णधारपदही सोडलं आहे. विराट कोहलीने सोशल मीडियावर पोस्ट शेअर करत ही महत्वाची माहिती दिली आहे. त्यानंतर क्रीडा चाहत्यांनी विराटबद्दलच्या त्यांच्या सर्व भावना सोशल मीडियावर व्यक्त केल्या. कलाकार, क्रिकेटर, खेळाडू, राजकीय नेत्यांसह सर्वांनीच विराटच्या निर्णायवर आपलं मत व्यक्त केलं आहे. आता विराटची पत्नी तसेच बॉलिवूड अभिनेत्री अनुष्का शर्मानेदेखील विराटच्या प्रवासाबद्दल एक इमोशनल पोस्ट लिहिली आहे.
अनुष्का शर्मा आणि विराट कोहली नेहमीच एकमेकांना सपोर्ट करत असतात. विराटने कसोटी कर्णधारपद सोडल्याने अनुष्काने विराटच्या मेहनतीचे कौतुक केले आहे. त्यासंदर्भात तिने तिच्या अधिकृत इंस्टाग्राम अकाऊंटवर एक भावनिक पोस्ट केली आहे.
View this post on Instagram
अनुष्काने लिहिले आहे,"2014 मधला तो दिवस मला आजही आठवतो, जेव्हा तू म्हणाला होतास की तुला कर्णधार बनवण्यात आले आहे. कारण एमएसने कसोटी संघाचं कर्णधारपद सोडलं होतं. त्यानंतर एमएस, मी आणि तू आपण तिघे गप्पा मारत होतो. त्यावेळेस तो (धोनी) मस्करीत म्हणाला होता, तुझी दाढी किती लवकर राखाडी होईल. त्या दिवसापासून, मी तुझी दाढी राखाडी होण्याशिवाय बरेच काही पाहिले आहे. तुला यशस्वी होताना पाहिलं आहे. तेव्हापासून तुझ्य़ामध्ये आणि तुझ्या आजूबाजूला होणारा बदल मी पाहिला आहे. तुझ्या नेतृत्वात भारतीय संघाने मिळवलेल्या यशाचा मला अभिमान आहे".
संबंधित बातम्या
Virat Kohli Steps Down : विराट कोहलीने कसोटी कर्णधारपद सोडलं, पाहा कोण काय म्हणाले?
Virat Kohli : विराट कोहलीने कसोटी कर्णधारपदही सोडले
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
