बिग बॉस फेम यूट्यूबरकडून आयुष्य संपवण्याचा प्रयत्न; वडिलांचा मोठा निर्णय, थेट वृत्तपत्रात छापलं!
Anurag Dobhal family dispute viral newspaper notice: अनुराग डोभालला त्याच्या वडिलांनी संपत्तीमधून बेदखल केलं आहे.
Anurag Dobhal father disowned him from property: सुप्रसिद्ध यूट्यूबर अनुराग डोभाल हा गेल्या काही दिवसांपासून कौटुंबिक कारणामुळे चर्चेत आहे. सध्या तो रुग्णालयात उपचार घेत आहे. त्याचा भीषण कार अपघात झाला होता. सोशल मीडियावर लाईव्हवर चाहत्यांसोबत बोलत असताना त्याचा अपघात झाला. सध्या त्याची प्रकृती गंभीर असल्याची माहिती आहे. त्यानं आपल्या यूट्यूबच्या व्हिडिओमध्ये आत्महत्या करणार असल्याचं सांगितलं होतं. या दरम्यान, एक धक्कादायक माहिती समोर आली आहे. अनुराग डोभालचे वडील जगदंबा प्रसाद डोभाल यांनी या प्रकरणासंदर्भात मोठं पाऊल उचललं आहे. त्यांनी आपला मुलगा आणि सुनेला संपत्तीमधून बेदखल केलं आहे.
मीडिया रिपोर्ट्सनुसार, अनुरागच्या वडिलांनी देहारादूनच्या एका वृत्तपत्राला माहिती छापण्यासाठी दिली. त्यांनी वृत्तपत्रात आपल्या मुलाला संपत्तीमधून बेदखल केलं असल्याचं स्पष्ट केलं आहे. त्यांनी स्पष्ट शब्दांत, मुलगा अनुराग डोभाल आणि सून रितिका डोभाल या दोघांचं नाव संपत्तीमधून काढत असल्याचं सांगितलं. नोटीसमध्ये त्यांनी हे देखील नमूद केलं की, भविष्यात जर अनुराग आणि त्याच्या पत्नीला गरज भासली, काही घेवाण देवाण झाली, तर त्याची जबाबदारी दोघांची असेल, त्यात कुटुंबाचा कोणताही संबंध नसेल, असं त्यांनी स्पष्ट केलं.
अनुराग डोभालच्या वडिलांनी वृत्तपत्राद्वारे जारी केलेली नोटीस, सध्या सोशल मीडियात व्हायरल होत आहे. दरम्यान, अनुराग आणि त्याच्या पत्नीला, डोभाल कुटुंबाने आपल्या बेदखल केलं आहे, हे आता वृत्तपत्रातून जगजाहीर झालं आहे. सध्या वृत्तपत्रावरील ही नोटीस सोशल मीडियात व्हायरल होत आहे.
अनुराग डोभालसोबत नेमकं काय घडलं?
काही दिवसांपूर्वी अनुरागने एक व्हिडिओ सोशल मीडियात शेअर केला होता. या व्हिडिओत त्यानं आपल्या कुटुंबावर गंभीर आरोप केले होते. अनुरागचं इंटरकास्ट मॅरेज झालं. त्याच्या लग्नाशी डोभाल कुटुंब नाराज असल्याचं त्यानं स्पष्ट केलं. अनुरागचे कुटुंब त्याच्या लग्नात सहभागी झाले नव्हते, असं त्यानं स्पष्ट केलं. त्यानं व्हिडिओत, 'माझ्याकडून माझा परिवार, पैसे हिसकावून घेतले जात आहे. मला जर काही झालं तर, त्याला जबाबदार माझे कुटुंब, आई, वडील आणि भाऊ असेल...', असं त्यानं व्हिडिओतून स्पष्ट केलं.
शनिवारी रात्रीच्या सुमारास अनुराग इन्स्टाग्रामवर लाइव्ह करुन कार चालवत होता. चारचाकी चालवत असताना, त्याच्या वाहनाचा अपघात झाला. त्याला तातडीने रुग्णालयात उपचारासाठी दाखल करण्यात आले आहे. त्याच्यावर रुग्णालयात उपचार सुरु आहेत.
महत्त्वाच्या बातम्या
