Anant Ambani Radhika Merchant Pre Wedding : अनंत अंबानी-राधिका मर्चेंटच्या सेकंड प्री-वेडिंगच्या डेस्टिनेशनचा पहिला फोटो समोर; ओरीने दिली इटलीतील अपडेट

Anant Ambani Radhika Merchant Second Pre Wedding : अनंत अंबानी आणि राधिका मर्चेंट यांच्या दुसऱ्या प्री-वेडिंगच्या डेस्टिनेशनचा पहिला फोटो समोर आला आहे. आजपासून इटलीमध्ये त्यांचं दुसरं प्री-वेडिंग पार पडणार आहे.

Anant Ambani Radhika Merchant Second Pre Wedding

Anant Ambani Radhika Merchant Secong Pre Wedding : देशातील श्रीमंत उद्योगपतींपैकी एक असणारे मुकेश अंबानी (Mukesh Ambani) आणि नीता अंबानी (Nita Ambani) यांचा धाकटा लाडका मुलगा अनंत अंबानी (Anant Ambani) आणि राधिका मर्चेंट (Radhika Merchant) लवकरच लग्नबंधनात अडकणार आहेत. गुजरातमधील जामनगरात पहिलं प्री-वेडिंग पार पडल्यानंतर आता त्यांच्या दुसऱ्या प्री-वेडिंगकडे सर्वांचं लक्ष लागलं आहे. आजपासून इटलीमध्ये (Italy) त्यांचं दुसरं प्री-वेडिंग पार पडणार आहे. अनंत-राधिकाच्या सेकंड प्री-वेडिंगच्या डेस्टिनेशनचा पहिला फोटो आता समोर आला आहे. ओरीने चाहत्यांना इटलीतील अपडेट दिली आहे.

अनंत अंबानी आणि राधिका मर्चेंट यांच्या पहिल्या प्री-वेडिंगच्या चर्चा आजही सुरू आहेत. अशातच आता त्यांना दुसऱ्या प्री-वेडिंगचं आयोजन केलं आहे. जामनगरात पार पडलेल्या पहिल्या प्री-वेडिंगनंतर परदेशात दुसरं प्री-वेडिंग पार पडणार आहे. आजपासून इटलीमध्ये अनंत-राधिकाच्या दुसऱ्या ग्रँड प्री-वेडिंगचं आयोजन करण्यात आलं आहे. समुद्रकिनारी क्रूझवर अंबानी कुटुंबीय आलेल्या पाहुण्यांचं स्वागत करत आहेत. सेकंड प्री-वेडिंगला बॉलिवूडसह हॉलिवूड कलाकार हजेरी लावणार आहेत. दिग्गज कलाकार मंडळी मैफिलीला चारचाँद लावण्यासाठी सज्ज आहेत. पहिल्या प्री-वेडिंगप्रमाणे दुसरं प्री-वेडिंगदेखील थीम बेस्ड असणार आहे. चार दिवस चालणाऱ्या या सेकंड प्री-वेडिंगला आज दुपारपासून सुरुवात होणार आहे. बॉलिवूडच्या प्रत्येक पार्टीत हजेरी लावणाऱ्या ओरीने सेलिब्रेशनची पहिली झलक चाहत्यांसोबत शेअर केली आहे. 

अनंत-राधिकाच्या प्री-वेडिंग डेस्टिनेशनचा पहिला फोटो समोर (Anant Ambani Radhika Merchant Second Pre Wedding First Photo)

ओरीने आपल्या इंस्टा स्टोरीवर अनेक फोटो शेअर केले आहेत. पहिल्या फोटोत इटलीतील पोएटो बीचला नजारा पाहायला मिळत आहे. फोटो पाहून हा प्रायव्हेट बीच एरिया आहे हे स्पष्ट होत आहे. या बीचवर दूर-दूरपर्यंत कोणीही दिसून येत नाही. दुसरा फोटोही वेगळ्या अँगलने काढलेला आहे. तर तिसऱ्या फोटोत क्रूजच्या आतली खोली दिसत आहे. यात एक आरामदायी बेड दिसत आहे. या खोलीतूनही बीच व्ह्यू दिसत आहे. पांढऱ्या रंगाची ही खोली खूपच कमाल आहे.

शाही थाटात पार पडणार दुसरं प्री-वेडिंग

अनंत अंबानी आणि राधिका मर्चेंट यांच्या दुसऱ्या प्री-वेडिंगचं आयोजन आजपासून करण्यात आलं आहे. लग्झरी क्रूजवर या पार्टीचं आयोजन करण्यात आलं आहे. क्रूझवर पार पडणाऱ्या या प्री-वेडिंगला बॉलिवूडसह जगभरातील अनेक दिग्गज मंडळी हजेरी लावणार आहेत. 29 मे ते 1 जूनदरम्यान फ्रान्समध्ये अनंत-राधिकाचं प्री-वेडिंग पार पडणार आहे. मीडिया रिपोर्टनुसार, अनंत अंबानी आणि राधिका मर्चेंट 12 जुलै 2024 रोजी लग्नबंधनात अडकणार आहेत. मनोरंजन, राजकारण, उद्योग, क्रीडा अशा विविध क्षेत्रातील मंडळी त्यांच्या दुसऱ्या प्री-वेडिंगला आणि लग्नाला हजेरी लावणार आहेत.

संबंधित बातम्या