![ABP Premium](https://cdn.abplive.com/imagebank/Premium-ad-Icon.png)
Amol Kolhe : मराठी स्वाभिमानाचा अंगार...काल, आज आणि उद्याही... अमोल कोल्हेंनी केली 'शिवप्रताप-गरुडझेप' सिनेमाची घोषणा
Amol Kolhe : अमोल कोल्हेंचा 'शिवप्रताप-गरुडझेप' हा सिनेमा लवकरच प्रदर्शित होणार आहे. नुकताच या सिनेमाचा टीझर आऊट झाला आहे.
![Amol Kolhe : मराठी स्वाभिमानाचा अंगार...काल, आज आणि उद्याही... अमोल कोल्हेंनी केली 'शिवप्रताप-गरुडझेप' सिनेमाची घोषणा Amol Kolhe announces Shiv Pratap Garudzep movie Amol Kolhe : मराठी स्वाभिमानाचा अंगार...काल, आज आणि उद्याही... अमोल कोल्हेंनी केली 'शिवप्रताप-गरुडझेप' सिनेमाची घोषणा](https://feeds.abplive.com/onecms/images/uploaded-images/2022/06/26/b1cc23744bca7a63900eaec451e0ac5e_original.jpg?impolicy=abp_cdn&imwidth=1200&height=675)
Shiv Pratap Garudzep : अनेक ऐतिहासिक मालिका आणि सिनेमांमध्ये डॉ. अमोल कोल्हेंनी (Amol Kolhe) काम केलं आहे. तर दर्जेदार ऐतिहासिक मालिकांची आणि सिनेमांची निर्मितीदेखील अमोल कोल्हेंनी केली आहे. आता अमोल कोल्हेंनी त्यांच्या आगामी सिनेमाची घोषणा केली आहे. 'शिवप्रताप-गरुडझेप' (Shiv Pratap Garudzep) असे या सिनेमाचे नाव आहे. या सिनेमाविषयीची उत्सुकता वाढवणारा टीझरदेखील प्रदर्शित झाला आहे.
रक्ताचा एकही थेंब न सांडता आपल्या बुद्धिचातुर्याच्या बळावर औरंगजेबाच्या बलाढ्य मुघल सत्तेचा पोलादी पहारा भेदून केलेल्या छत्रपती शिवाजी महाराजांच्या आग्र्याहून सुटकेचा प्रसंग जिवंत करणारा डॉ. अमोल कोल्हेंचा 'शिवप्रताप गरुडझेप' हा सिनेमा आहे. टीझर आऊट झाल्याने प्रेक्षक आता सिनेमाची प्रतीक्षा करत आहेत.
'शिवछत्रपती' आणि 'स्वराज्य रक्षक संभाजी' या मालिकांनी जगभरात अफाट लोकप्रियता मिळवली. या मालिकेतील भूमिकांमुळे छत्रपती शिवाजी महाराज व संभाजी महाराज म्हटलं की डॉ. अमोल कोल्हे यांचंच नाव प्रेक्षकांच्या मनात ठसलं आहे. त्यामुळेच छत्रपती शिवाजी महाराजांच्या ऐतिहासिक कर्तृत्वाची महती सांगणारा 'शिवप्रताप' मालिकेतील 'गरुडझेप' हा सिनेमा लवकरच प्रेक्षकांच्या भेटीला येणार आहे.
View this post on Instagram
आज या सिनेमाचा 'टीझर' प्रदर्शित झाला असून या भव्यदिव्य सिनेमाची झलक व धारदार संवादाची प्रचिती दिसून येते. या सिनेमाच्या माध्यमातून छत्रपती शिवाजी महाराजांची अटक, औरंगजेबाच्या दरबारातील बाणेदार प्रसंगाबरोबरच त्यांचे चातुर्य, शौर्याचा इतिहास पुन्हा एकदा जिवंत होणार आहे.
'शिवप्रताप-गरुडझेप' या सिनेमाच्या दिग्दर्शनाची धुरा कार्तिक राजारामने सांभाळली आहे. तर छत्रपती शिवाजी महाराजांच्या भूमिकेत स्वतः डॉ. कोल्हे पुन्हा एकदा प्रेक्षकांच्या मनावर अधिराज्य गाजविण्यासाठी सज्ज झाले आहेत. तसेच हा सिनेमा 'जगदंब क्रिएशन' प्रस्तुत असणार आहे. मराठी स्वाभिमानाचा अंगार...काल, आज आणि उद्याही असं म्हणत अमोल कोल्हेंनी या सिनेमाचा टीझर शेअर केला आहे.
संबंधित बातम्या
Swarajya rakshak Sambhaji : 'स्वराज्यरक्षक संभाजी' मालिका आता सिनेमाद्वारे येणार प्रेक्षकांच्या भेटीला
Amol Kolhe : डॉ अमोल कोल्हे यांचा 'विठ्ठल विठ्ठला' चित्रपट लवकरच येणार प्रेक्षकांच्या भेटीस
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)