Amitabh Bachchan Birthday: आर्थिक अडचणींमुळे मरीन ड्राईव्हच्या बाकावर काढावी लागली रात्र; तरीही मागे हटले नाहीत 'शेहनशाह'; असा सुरु झाला हिट चित्रपटांचा 'सिलसिला'

Amitabh Bachchan Birthday: अमिताभ बच्चन यांना आर्थिक अडचणींचा सामना करावा लागला होता. पण खचून न जाता, बिग बींनी अडचणींवर मात करुन यशाचं शिखर गाठलं.

Amitabh Bachchan Birthday

Source : PTI File Photo

Amitabh Bachchan Birthday: बॉलिवूडचे महानायक अमिताभ बच्चन (Amitabh Bachchan) यांचा आज 81 वा वाढदिवस आहे. दमदार आवाज आणि जबरदस्त अभिनय या गोष्टींमुळे अमिताभ बच्चन यांची प्रेक्षकांच्या मनात विशेष स्थान निर्माण केलं आहे. गेली कित्येक वर्ष बिग बी हे चित्रपट आणि विविध कार्यक्रमांच्या माध्यमातून प्रेक्षकांचे मनोरंजन करत आहेत. अमिताभ बच्चन यांना आर्थिक अडचणींचा सामना करावा लागला होता. पण खचून न जाता, त्यांनी त्या अडचणींवर मात करुन यशाचं शिखर गाठलं.

मरीन ड्राईव्हच्या बाकावर काढावी लागली रात्र

एका मुलाखतीमध्ये अमिताभ यांनी  त्यांची स्ट्रगल स्टोरी सांगितली होती. ते म्हणाले होते,  "मी ड्रायव्हिंग लायसन्स घेऊन मुंबईत आलो होतो. मला वाटलं की, मी अभिनेता बनू शकलो नाही तर मी फक्त टॅक्सी चालवेल. आर्थिक अडचणींमुळे अनेकवेळा रात्री मी मरीन ड्राइव्हच्या बाकावर झोपलो आहे."

पहिल्या चित्रपटाचं मानधन

अमिताभ बच्चन यांनी  'सात हिंदुस्तानी' या चित्रपटामधून अभिनय क्षेत्रात पदार्पण केलं. या चित्रपटासाठी त्यांना 5,000 रुपये फी मिळाली होती. त्यानंतर अमिताभ बच्चन यांनी अनेक हिट चित्रपटांमध्ये काम केलं. मिस्टर नटवरलाल,  द ग्रेट गॅम्बलर ,  कालिया ,  नसीब, शोले, सिलसिला, डॉन, मर्द आणि दिवार या चित्रपटांमधील बिग बींच्या अभिनयाचं अनेकांनी कौतुक केलं. 

फेमस डायलॉग्स 

अमिताभ बच्चन यांचे डायलॉग्स अनेकांना तोंडपाठ असतील. "रिश्ते में तो हम तुम्हारे बाप लगते हैं, नाम है शहंशाह",  "मेरे पास गाड़ी है बंगला है बँक बॅलेंस है, तुम्‍हारे पास क्‍या है? " अशा अमिताभ बच्चन यांच्या एकापेक्षा डायलॉग्स प्रेक्षकांच्या मनात विशेष स्थान मिळवलं आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Amitabh Bachchan (@amitabhbachchan)

आगामी चित्रपट

अमिताभ बच्चन यांच्या आगामी चित्रत्रपटांची प्रेक्षक उत्सुकतेने वाट बघत आहेत. त्यांचे प्रोजेक्ट के आणि गणपत हे चित्रपट लवकरच प्रेक्षकांच्या भेटीस येणार आहे. गणपत या चित्रपटाचा ट्रेलर काही दिवसांपूर्वी रिलीज झाला आहे. गणपत हा चित्रपट 20 ऑक्टोबर 2023 रोजी प्रेक्षकांच्या भेटीस येणार आहे. 

इतर महत्वाच्या बातम्या: