Alia Bhatt on Siddharth Malhotra : आलिया भट्ट अन् सिद्धार्थ मल्होत्रा चार वर्ष होते रिलेशनमध्ये; अभिनेत्री म्हणते,"सिडला लोकांवर प्रेम करायला आवडतं"

Alia Bhatt on Siddharth Malhotra : अभिनेत्री आलिया भट्टने सिद्धार्थ मल्होत्रासोबतच्या नात्याबद्दल भाष्य केलं आहे.

Alia Bhatt on Siddharth Malhotra

Alia Bhatt Talks on Siddharth Malhotra Relationship : बॉलिवूड अभिनेत्री आलिया भट्ट (Alia Bhatt) आणि सिद्धार्थ मल्होत्राने (Siddharth Malhotra) 'स्टूडंट ऑफ द ईयर' (Student of The Year) या सिनेमाच्या माध्यमातून बॉलिवूडमध्ये पदार्पण केलं होतं. या सिनेमांसह त्यांनी अनेक सिनेमांत एकत्र काम केलं आहे. दोघांमध्ये जबरदस्त केमिस्ट्री पाहायला मिळाली आहे. दोघांच्या अफेअरच्याही चर्चा रंगल्या होत्या. आता आलिया भट्टने त्यांच्या नात्याबद्दल भाष्य केलं आहे.

स्वत:च्या बर्थडे पार्टीत झोपलेला सिद्धार्थ मल्होत्रा

सिद्धार्थ मल्होत्राबद्दल बोलताना आलिया भट्ट म्हणाली,"सिद्धार्थ एक खूप चांगला गायक आहे. तो खूप चांगला स्वस्थ व्यक्ति आहे. तो कधी कोणत्या पार्टीतही हजेरी लावत नाही. पण पार्टीसाठी तो एक उत्तम माणूस आहे. त्याच्यातला पंजाबी माणूस आजही तसाच आहे. लोकांना पुढे कसं आणायचं हे त्यांना चांगलं माहिती आहे. तसेच स्वत:च्या वाढदिवसाच्या पार्टीत झोपणारा तो पहिला व्यक्ती आहे". 

आलिया पुढे म्हणाली,"सिड लवकर मोकळा होत नाही. त्याला बोलायला खूप वेळ लागतो. संवाद साधताना अंतर ठेवायला तो प्राधान्य देतो.  सिड खरं एक चांगला माणूस आहे. लोकांवर प्रेम करायला त्याला आवडता. त्यामुळेच त्याचा मोठा चाहतावर्गही आहे. सिडने मला आयुष्यातला पहिला प्रेमाचा सल्ला दिला आहे. त्यामुळे मी कायमच त्याचे आभार मानते". आलियाने तिच्या मांजरीला 'एडवर्ड' अशी हाक मारते.

सिद्धार्थ मल्होत्रा आणि आलिया भट्ट अनेक वर्षे एकमेकांना डेट करत होते. पण त्यांनी कधीच त्यांचं नातं जगजाहीर केलं नाही. 'स्टूडंट ऑफ द ईयर' या सिनेमाच्या शूटिंगदरम्यान 2012 मध्ये सिद्धार्थ आणि आलियाची पहिली भेट झाली. पुढे शूटिंगदरम्यान मैत्रीचं रुपांतर प्रेमात झालं. 2012 ते 2016 पर्यंत आलिया आणि सिद्धार्थ रिलेशनमध्ये होते. 

आलिया भट्टच्या आगामी प्रोजेक्टबद्दल जाणून घ्या.. (Alia Bhatt Upcoming Project)

आलिया भट्ट सध्या वासन बाला दिग्दर्शित 'जिगरा' या सिनेमाचं शूटिंग करत आहे. त्यानंतर ती संजय लीला भन्साळी यांच्या 'बैजू बावरा' या सिनेमाच्या शूटिंगला सुरुवात करणार आहे. 'बैजू बावरा' या सिनेमात आलिया भट्टसह रणवीर सिंह (Ranveer Singh) स्क्रीन शेअर करताना दिसणार आहे. तर दुसरीकडे हंसल मेहता सध्या त्यांच्या आगामी 'गांधी' या वेबसीरिजच्या प्री प्रोडक्शनमध्ये व्यस्त आहेत. प्रतीक गांधी अभिनीत या सीरिजच्या शूटिंगला पुढील महिन्यात सुरुवात होणार आहे.

संबंधित बातम्या