अक्षय कुमारच्या सिनेमाचं नाव ऐकून मोदींनाही हसू अनावर!

नवी दिल्ली : बॉलिवूड अभिनेता अक्षय कुमारने ‘टॉयलेट एक प्रेम कथा’ या त्याच्या आगामी सिनेमाच्या निमित्ताने पंतप्रधान नरेंद्र मोदींची भेट घेतली. या भेटीदरम्यान सिनेमाचं नाव ऐकून मोदींनाही हसू अनावर झालं. पंतप्रधान मोदींच्या स्वच्छ भारत अभियानवर आधारित हा सिनेमा आहे. यासंबंधीच अक्षय कुमारने त्यांची भेट घेतली. या भेटीचा फोटो अक्षय कुमारने सोशल मीडियावर शेअर केला आहे. https://twitter.com/akshaykumar/status/861843459765805058 या सिनेमाची शूटिंग यावर्षी फेब्रुवारीमध्येच पूर्ण झाली आहे. त्याचवेळी या सिनेमाचा लूकही रिलीज करण्यात आला होता. श्री नारायण सिंह दिग्दर्शित या सिनेमात अक्षय कुमार, भुमी पेडणेकर, अनुपम खेर आणि सना खान यांचीही भूमिका आहे. https://twitter.com/akshaykumar/status/833906810843115520 यावर्षी 11 ऑगस्ट रोजी हा सिनेमा रिलीज होणार आहे. सध्या या सिनेमाचं प्रमोशनही केलं जात आहे. https://twitter.com/TeamSwachh/status/803194630946684928