Bhagam Bhag 2 Announcement: अक्षय कुमार, परेश रावल आणि गोविंदा 20 वर्षांनी पुन्हा एकत्र, 'भागम भाग 2'ची घोषणा; 'हा' अभिनेताच करणार सिनेमाची निर्मिती
Bhagam Bhag 2 Announcement:'भागम भाग 2' ची घोषणा करण्यात आली असून लवकरच प्रेक्षकांच्या भेटीला हा सिनेमा येणार आहे.
Bhagam Bhag 2 Announcement: अक्षय कुमार (Akshay Kumar), गोविंदा (Govinda) आणि परेश रावल (Paresh Rawal) यांच्या 'भागम भाग' (Bhagam Bhag 2) या सुपरहिट कॉमेडी चित्रपटाने प्रेक्षकांचे भरपूर मनोरंजन केले. हा चित्रपट बॉक्स ऑफिसवर यशस्वी ठरला. त्यामुळे या त्रिकुटाला पुन्हा पडद्यावर पाहण्यासाठी चाहते बऱ्याच दिवसांपासून वाट पाहत आहेत. मात्र चाहत्यांची ही प्रतीक्षा लवकरच संपणार आहे. कारण 'भागम भाग 2' च्या सिक्वेलची घोषणा करण्यात आली आहे.
अक्षय कुमार, गोविंदा आणि परेश रावल 2006 मध्ये आलेल्या 'भागम भाग' या कॉमेडी चित्रपटाच्या दुसऱ्या भागात पुन्हा एकदा आपल्या दमदार विनोदाने प्रेक्षकांचे मनोरंजन करणार सज्ज झाले असल्याची माहिती सध्या समोर आली आहे. पिंकविलाच्या रिपोर्टनुसार, 'भागम पार्ट 2' मूळ स्टारकास्टसहच पडद्यावर येणार आहे. अक्षय कुमारने भागम भागचे हक्क शेमारूकडून विकत घेतले असून लवकरच तो 'भागम भाग 2' बनवणार आहे.
अक्षय कुमारने भागम भागचे हक्क विकत घेतले
रिपोर्ट्सनुसार, 'हेरा फेरी', 'भागम भाग' आणि 'गरम मसाला' हे अक्षय कुमारचे तीन सर्वात खास चित्रपट आहेत आणि त्याने 'हेरा फेरी' आणि 'भागम भाग'चे फ्रेंचायझी अधिकार आधीच निवडले आहेत. प्रियदर्शन दिग्दर्शित या कॉमिक चित्रपटाचे हक्क अक्षयने विकत घेतले आहेत आणि लेखकांच्या नवीन टीमसह सिक्वेल लिहिण्यास सुरुवात केली आहे.
शूटिंग कधी सुरू होणार?
सर्व काही नियोजनानुसार पार पडले तर पुढच्या वर्षी 2025 मध्ये 'भागम भाग 2' चित्रपटाचे शूटिंग सुरू होईल, असं म्हटलं जातंय. हा चित्रपट 2026 मध्ये थिएटरमध्ये दाखल होणार असल्याचीही चर्चा आहे.. वर्क फ्रंटवर अक्षय कुमार नुकताच सिंघम अगेनमध्ये दिसला होता. आता त्याच्याकडे 'हाऊसफुल 5', 'वेलकम टू द जंगल', 'स्काय फोर्स', 'भूत बांगला' आणि 'जॉली एलएलबी 3' असे सिनेमे पाइपलाइनमध्ये आहेत.
ही बातमी वाचा :
महत्त्वाच्या बातम्या
