Orry : डोनाल्ड ट्रम्प यांना भारतातून केलं मतदान, ओरीच्या पोस्टमुळे सर्वांना आश्चर्याचा धक्का; नेटकरी म्हणाले, 'ओरीमुळेच ट्रम्प जिंकले'
Orry : सोशल मीडिया स्टार ओरीनेही डोनाल्ड ट्रम्प यांना मत दिलं होतं. त्यांच्या विजयानंतर त्याने खास पोस्ट शेअर केली आहे.
Donald Trump : अमेरिकेच्या निवडणुकांमध्ये बाजी मारत महासत्तेच्या चाव्या पुन्हा एकदा डोनाल्ड ट्रम्प (Donald Trump) यांनी आपल्या हातात घेतल्या आहेत. डेमोक्रॅटिक पक्षाच्या उमेदवार भारतीय वंशाच्या कमला हॅरिस (Kamala Harris) यांचा डोनाल्ड ट्रम्प यांनी मोठ्या फरकाने पराभव केला. ट्रम्प यांच्या विजयानंतर जगभरातून त्यांच्यावर अभिनंदनाचा वर्षावर करण्यात येतोय. त्यातच ओरीनेही (Orry) डोनाल्ड ट्रम्प यांच्यासाठी मतदान केलं होतं आणि आता त्यांच्या विजयानंतर खास पोस्टही केली आहे.
ओरीने अमेरिकेच्या निवडणुकांमध्ये भारतातून मतदान केलं होतं. ओरीकडे अमेरिकेचं नागरिकत्व आहे. पण तो भारतात स्थायिक असून इथेच नोकरी करतो. त्याने अमेरिकेच्या निवडणुकांच्या वातावरणात कमला हॅरिस यांच्याविरोधातील प्रचारामध्ये सोशल मीडियावरुनच सहभाग घेतला होता. त्यानंतर आता ओरीने ट्रम्प यांच्या विजयानंतर त्यांना खास मेसेज करुनही शुभेच्छा दिल्या आहेत.
ओरीने दिल्या डोनाल्ड ट्रम्प यांना शुभेच्छा
ओरीने त्याच्या मतदानाचेही फोटो शेअर केले आहेत. यामध्ये त्याने डोनाल्ड ट्रम्प यांना मतदान केल्याचंही त्याने सांगितलंय. त्याने ही पोस्ट शेअर करत म्हटलं की, 'आपण करुन दाखवलं डोनाल्ड...' त्याचप्रमाणे या पोस्टमध्ये त्याने ट्रॅम्प यांना टॅगही केलं आहे आणि त्यावर ट्रम्प यांनी ओरीला रिप्लायही केलाय. तो स्क्रिनशॉटही ओरीने शेअर केलाय.
ओरीने डोनाल्ड ट्रम्प यांना केलं मतदान
ओरीने कॅप्शनमध्ये म्हटलं की, राष्ट्राध्यक्षांच्या निवडणुकांसाठी मी मतदानाचा हक्क बजावला असल्याचा मला अभिमान आहे. यावर नेटकऱ्यांच्याही प्रतिक्रिया समोर आल्या आहेत. एका युजरने कमेंट करत म्हटलं की, तुला माहीत आहे का तुझ्या मुंबई मतदारसंघातून कोण निवडणूक लढवत आहे?' तसेच काहींनी अनफॉलो केल्याचंही कमेंटमध्ये म्हटलं आहे.
कमला हॅरिस यांच्या विरोधात आहे ओरी
ओरीकडे अमेरिकेचे नागरिकत्व आहे. तो फक्त भारतात राहतो आणि काम करतो. ओरीने कमला हॅरिस यांच्या प्रचार सभेतला एक व्हिडीओ देखील शेअर केला होता. त्याचप्रमाणे त्याने कमला हॅरिस यांच्या नावाचीही खिल्ली उडवली होती. त्यानंतर ओरीवर सोशल मीडियावरही मोठ्या प्रमाणात टीका करण्यात आल्याचं पाहायला मिळालं.
View this post on Instagram
ही बातमी वाचा :
महत्त्वाच्या बातम्या
