(Source: ECI/ABP News/ABP Majha)
Akshay Kumar : वाढलेली दाढी, डोक्यावर पगडी! ‘Capsule Gill’मध्ये दिसणार अक्षय कुमारचा भन्नाट लूक
Akshay Kumar : या लूकमध्ये अक्षय कुमार डोक्यावर पगडी बांधून सरदार बनलेला दिसत आहे. वाढलेली दाढी त्याच्या या लूकला आणखी स्पेशल बनवत आहे.
Capsule Gill Akshay Kumar look : बॉलिवूड अभिनेता अक्षय कुमार (Akshay Kumar) त्यांच्या सुपरहिट चित्रपटांमुळे नेहमीच चर्चेत असतो. नुकताच त्याचा ‘पृथ्वीराज’ हा चित्रपट प्रेक्षकांच्या भेटीला आला होता. आता लगेचच अक्षय कुमार त्याच्या आगामी चित्रपटाच्या चित्रीकरणात व्यस्त झाला आहे. अक्षयच्या या आगामी चित्रपटाचे नाव ‘कॅप्सूल गिल’ (Capsule Gill) असे आहे. या चित्रपटातील त्याचा पहिला लूक नुकताच उघड करण्यात आला आहे. या लूकमध्ये अक्षय कुमार एकदम वेगळा दिसत आहे.
या लूकमध्ये अक्षय कुमार डोक्यावर पगडी बांधून सरदार बनलेला दिसत आहे. वाढलेली दाढी त्याच्या या लूकला आणखी स्पेशल बनवत आहे. मीडिया रिपोर्टनुसार अद्याप या चित्रपटाचे नाव निश्चित करण्यात आलेले नाही. मात्र, सोशल मीडियावर या चित्रपटाचे नाव ‘कॅप्सूल गिल’ असल्याचे म्हटले जात आहे.
पाहा अक्षय कुमारचा लूक
या लूकमध्ये अक्षय कुमारने जांभळ्या रंगाची पगडी परिधान केली आहे. मोठा चष्मा लावला आहे. या चित्रपटाचा हा फर्स्ट लूक सोशल मीडियावर प्रचंड व्हायरल होत आहे. अक्षयचे चाहते त्याच्या आगामी मोठ्या चित्रपटाबद्दल उत्सुक आहेत. वासू भगनानी यांच्या पूजा एंटरटेनमेंटच्या बॅनरखाली या चित्रपटाची निर्मिती होत असून, टिनू सुरेश देसाई या चित्रपटाचे दिग्दर्शन करत आहेत. अक्षय तिसऱ्यांदा वासू भागनानी यांच्यासोबत काम करत आहे.
शूटिंगला सुरुवात!
अक्षय कुमारच्या या चित्रपटाची कथा कोळसा खाण अभियंता जसवंत सिंह यांच्या जीवनावर आधारित असल्याचे म्हटले जात आहे. जसवंत सिंह यांनी 1989 मध्ये पश्चिम बंगालमधील राणीगंज कोल फील्डमध्ये अडकलेल्या 64 खाण कामगारांचे प्राण वाचवले होते. या चित्रपटात अभिनेता अक्षय कुमार जसवंत सिंह यांच्या भूमिकेत दिसणार आहे. या चित्रपटाचे नाव अद्याप ठरवण्यात आलेले नसून, सध्या नेटकरी या चित्रपटाला ‘कॅप्सूल गिल’ म्हणत आहेत. अक्षय कुमारने लंडनमध्ये या चित्रपटाचे शूटिंग सुरु केले आहे.
हेही वाचा :
महत्त्वाच्या बातम्या
ट्रेंडिंग न्यूज
