Cannes 2023: ऐश्वर्यानं कान्स फिल्म फेस्टिव्हलसाठी केलेल्या लूकची नेटकऱ्यांनी उडवली खिल्ली; म्हणाले, 'चिकन शोरमा ..'

अभिनेत्री ऐश्वर्या राय बच्चनच्या (Aishwarya Rai Bachchan) लूकला नेटकऱ्यांनी ट्रोल केलं आहे.

Aishwarya Rai Bachchan, Cannes 2023

Cannes Film Festival 2023:  'कान्स फिल्म फेस्टिव्हल'ला (Cannes Film Festival 2023)  16 मे पासून सुरुवात झाली आहे. 76 व्या कान्स फिल्म फेस्टिव्हलमध्ये अनेक सेलिब्रिटींनी रेड कार्पेटवर वॉक केला. कान्स फिल्म फेस्टिव्हलसाठी सेलिब्रिटींनी केलेल्या लूकनं अनेकांचे लक्ष वेधलं. कान्स फिल्म फेस्टिव्हलच्या तिसऱ्या दिवशी म्हणजेच 18 मे रोजी बॉलिवूडमधील प्रसिद्ध अभिनेत्री ऐश्वर्या राय बच्चननं (Aishwarya Rai Bachchan)  रेड कार्पेटवर वॉक केला.  ऐश्वर्यानं कान्स फिल्म फेस्टिव्हलसाठी केलेल्या लूकनं अनेकांचे लक्ष वेधले. काही नेटकऱ्यांनी ऐश्वर्याच्या या लूकला ट्रोल केलं आहे. 

कान्स फिल्म फेस्टिव्हलसाठी ऐश्वर्यानं केला खास लूक

ऐश्वर्यानं कान्स फिल्म फेस्टिव्हलसाठी सिल्वर अँड ब्लॅक ड्रेस परिधान केला होता. ऐश्वर्याच्या या क्लासी लूकचं काहींनी कौतुक केलं तर काही नेटकऱ्यांनी तिला ट्रोल केलं आहे. 

नेटकऱ्यांच्या कमेंट्स 

ऐश्वर्याच्या कान्स फिल्म फेस्टिव्हलच्या लूकचे फोटो सोशल मीडियावर व्हायरल झाले आहेत. या फोटोला काही नेटकऱ्यांनी कमेंट्स करुन ऐश्वर्याला ट्रोल केलं आहे. एका नेटकऱ्यानं ऐश्वर्याच्या फोटोला कमेंट केली, 'चिकन शोरमा वाटत आहेस, अॅल्युमिनियम फॉइलमध्ये ठेवलेला' दुसऱ्या युझरनं कमेंट केली, 'चांगलं Blanket
 आहे.'

 

 

 

 

 

View this post on Instagram

 

 

 

 

 

 

 

 

 

 

 

A post shared by Aishwarya rai (@aishwaryaraibachchan_arb___)

कान्स फिल्म फेस्टिव्हलमध्ये बॉलिवूड अभिनेत्रींचा रेड कार्पेटवर जलवा

सारा अली खान (Sara Ali Khan),मानुषी छिल्लर (Manushi Chhillar), ईशा गुप्ता (Esha Gupta) या बॉलिवूड अभिनेत्रींनी कान्स फिल्म फेस्टिव्हलच्या रेड कार्पेटवर वॉक केला. 'कान्स फिल्म फेस्टिव्हल 2023' चे आयोजन फ्रान्समधील फ्रेंच रिवेरा येथे करण्यात आलं आहे. या फेस्टिव्हलमध्ये अनेक चांगल्या दर्जाचे सिनेमे दाखवले जाणार आहेत.

ऐश्वर्याचे चित्रपट 

काही महिन्यांपूर्वी रिलीज झालेल्या पोन्नियिन सेलवन या चित्रपटातून ऐश्वर्या प्रेक्षकांच्या भेटीस आली. या चित्रपटानं बॉक्स ऑफिसवर धुमाकूळ घातला. हिंदी, तामिळ, तेलुगू, मल्याळम आणि कन्नड या भाषांमध्ये हा चित्रपट रिलीज झाला होता. मणिरत्नम यांनी या चित्रपटाचं दिग्दर्शन केलं आहे.  तसेच पोन्नियिन सेलवन-2 हा चित्रपट देखील काही दिवसांपूर्वी रिलीज झाला. ऐश्वर्याच्या आगामी चित्रपटांची प्रेक्षक उत्सुकतेने वाट बघत आहेत. 

इतर महत्वाच्या बातम्या: