Divya Agarwal Wedding : अग्रवालांची लेक होणार पाडगांवकरांची सून, 5 स्टार हॉटेलमध्ये नाही तर घरीच पार पडणार अभिनेत्री दिव्या अग्रवालचा लग्नसोहळा, कारण सांगत म्हणाली...
Divya Agarwal Wedding : दिव्याने तिच्या लग्नाचा कोणताही आलिशान सोहळा न करता घरगुतीच आणि मोजक्या नातेवाईकांमध्ये लग्न करण्याचा निर्णय घेतला आहे.
Divya Agarwal Wedding : सध्या बॉलीवूडसह सिनेसृष्टीमध्ये लग्नाचे वारे वाहत आहेत. अनेक अभिनेते आणि अभिनेत्री हे लग्नबंधनात अडकत असून त्यांच्या आलिशान लग्नसोहळे देखील चाहत्यांचा पसंतीस पडत आहेत. नुकतच अभिनेत्री दिव्या अग्रवाल (Divya Agarwal) हीने तिच्या लग्नाची घोषणा केली असून ती तिच्या बॉयफ्रेंडसह लग्नबंधनात अडकणार आहे. अपूर्व पाडगांवकरसोबत दिव्या तिच्या नव्या आयुष्याची सुरुवात करणार आहे.
विशेष म्हणजे दिव्याने तिच्या लग्नाचा कोणताही आलिशान सोहळा न करता घरगुतीच आणि मोजक्या नातेवाईकांमध्ये लग्न करण्याचा निर्णय घेतला आहे. दिव्या आणि अपूर्वचा 2022 मध्ये साखरपुडा पार पडला होता. त्यानंतर आता 20 फेब्रुवारी रोजी दिव्या तिच्या चेंबूर इथल्या घरी लग्न करणार आहे. पण दिव्याने घरीच लग्न करण्याचा निर्णय का घेतला याविषयी दिव्यानेच एका मुलाखतीदरम्यान भाष्य केलं होतं.
म्हणून घरीच लग्न करण्याचा निर्णय घेतला...
जेव्हा दिव्याने तिच्या लग्नाची घोषणा केली तेव्हापासून तिच्या लग्नाविषयी एक चर्चा जोर धरु लागली. इ टाईम्सला दिलेल्या मुलाखतीमध्ये दिव्याने म्हटलं की, आम्ही घरीच लग्न करण्याचा निर्णय घेतलाय आणि मला या निर्णयाचा खूप अभिमान आहे. ज्या पद्धतीने इतर लोक लग्न करतात तसं आम्हाला करायचं नाहीये. मला काहीतरी वेगळं करायचं होतं. 5 स्टार हॉटेल बूक कऱणं, लग्नसोहळ्यातील सगळे विधी बॅक्वेट्स आणि पूलजवळ करणं हे सगळेच करतात. त्यामुळे आम्ही हा निर्णय घेतला.
View this post on Instagram
दिव्याच्या लग्नविधींना सुरुवात
रविवार 18 फेब्रुवारी पासून दिव्याच्या लग्नविधींना सुरुवात होणार आहे. त्यानंतर 19 तारखेला दिव्याचा मेहंदी सोहळा पार पडणार असून 20 तारखेला दिव्या आणि अपूर्व हे दोघेही लग्नबंधनात अडकणार आहेत. तसेच या आनंदाची क्षणी वडिलांची सगळ्यात जास्त आठवण येत असल्याचंही दिव्याने म्हटलं. तसचे दिव्याच्या लग्नासाठी त्यांनी पेस्टल ड्रेसकोड ठेवला असल्याचंही दिव्याने म्हटलं आहे.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
