एक्स्प्लोर

विद्युत जामवालची कमाल, बर्फाच्या पाण्यात घेतली डुबकी, व्हिडीओ व्हायरल

Vidyut Jammwal : हिवाळ्यात 15 अंश सेल्सिअस थंडी असेल तरी आपण कुडकुडतो. थंडीचा पारा जसा कमी होईल, तसे शेकोटी, स्वेटर यासारख्या गोष्टींचा वापर करतो.

By : एबीपी माझा वेब टीम | Edited By: नामदेव कुंभार | Updated at : 25 Feb 2022 09:43 PM (IST)

vidyut_jammwal

Vidyut Jammwal : हिवाळ्यात 15 अंश सेल्सिअस थंडी असेल तरी आपण कुडकुडतो. थंडीचा पारा जसा कमी होईल, तसे शेकोटी, स्वेटर यासारख्या गोष्टींचा वापर करतो. पण बर्फाच्या पाण्यात कुणाला डुबकी घेताना तुम्ही पाहिलेय का? होय.. हे खरेय. बॉलिवूडमधील कमांडो अर्थात विद्युत जामवाल याने बर्फाच्या पाण्यात डुबकी घेतली आहे. अभिनेता विद्युत जामवाल याने इन्स्टाग्रामवर एक व्हिडीओ पोस्ट केला आहे. यामध्ये तो बर्फाच्या पाण्यात डुबकी घेताना दिसत आहे. हा व्हिडीओ सोशल मीडियावर प्रचंड व्हायरल होत आहे.

विद्युत जामवाल (Vidyut Jammwal) याने इन्स्टाग्रामवर एक व्हिडीओ (Vidyut Jammwal Instagram)पोस्ट केला आहे. यामध्ये सर्वत्र बर्फाची चादर दिसत आहे. त्यामध्ये पाण्याचे छोटे तळे आहेत. पाण्यावर बर्फाची चादर आहे. या पाण्यामध्ये विद्युत जामवालने डुबकी घेतली आहे. बर्फाच्या पाण्यात डुबकी घेण्याआधी प्रत्येकजण दहावेळा विचार करेल, पण विद्युत जामवालने प्रत्यक्षात तसा कारनामा केला आहे. या व्हिडीओला नेटकऱ्यांनी पसंती दर्शवली आहे. यावर कमेंट आणि लाईक्सचा पाऊस पडत आहे.

पाहा व्हिडीओ -

View this post on Instagram

A post shared by Vidyut Jammwal (@mevidyutjammwal)

विद्युत जामवाल सोशल मीडियावर विविध व्हिडीओ पोस्ट करत असतो. यामध्ये तो वेगवेगळ्या गोष्टी केल्याची पोस्ट शेअर करतो. विद्युत जामवाल याचे व्हिडीओ चाहत्यांच्या पसंतीस उतरतात. बर्फाच्या पाण्यात व्हिडीओ पोस्ट करताना विद्युत जामवाल याने कॅप्शनमध्ये म्हटलेय की, ‘जर तुम्हाला कुणी हे करु शकत नाही, असे म्हणत असेल ते करणे सर्वात सोपे आहे.’

विद्युत जामवाल याने आणखी एक व्हिडीओ शेअर केला आहे. यामध्ये विद्युत जामवाल श्वानसोबत खेळताना दिसत आहे.