(Source: ECI/ABP News/ABP Majha)
Aamir Khan Celebrates Birthday : 'मिस्टर परफेक्शनिस्ट'चं 60 व्या वर्षात पदार्पण; चाहत्यांकडे मागितलं 'हे' गिफ्ट
Aamir Khan Celebrates Birthday : आमिरने आपला वाढदिवसाचे सेलिब्रेशन आपल्या ऑफिसमध्ये 'लापता लेडिज' चित्रपटाच्या टीमसोबत केले. यावेळी दिग्दर्शिका आणि आमिरची पूर्वाश्रमीची पत्नी किरण रावदेखील उपस्थित होती.
Aamir Khan Celebrates Birthday : बॉलिवूडचा 'मिस्टर परफेक्शनिस्ट' आमिर खानने (Aamir Khan) आज 60 व्या वर्षात पदार्पण केले. आमिर खानने आपला वाढदिवसाचे सेलिब्रेशन (Aamir Khan Celebrates Birthday) आपल्या ऑफिसमध्ये 'लापता लेडिज' चित्रपटाच्या टीमसोबत केले. यावेळी दिग्दर्शिका आणि आमिरची पूर्वाश्रमीची पत्नी किरण रावदेखील उपस्थित होती.
आमिर खानने यावेळी लापता लेडिज चित्रपटाची टीम आणि प्रसारमाध्यमांच्या प्रतिनिधींसोबत केक कापून वाढदिवस साजरा केला. यावेळी आमिरसोबत त्याची पूर्वाश्रमीची पत्नी किरण राव आणि त्यांच्या चित्रपटाची टीम उपस्थित होती.'बर्थ डे बॉय' आमिर खान यावेळी हँडसम दिसला. त्याने ब्लॅक टी शर्ट आणि ब्लू डेनिम जीन्स परिधान केली होती. आमिरची पूर्वाश्रमीची पत्नी आणि दिग्दर्शिका किरण रावदेखील स्टायलिश दिसत होती. किरणने मल्टिकलर वनपीस ड्रेस परिधान केला होता.केक कापल्यानंतर किरण रावने आमिरला केक भरवत वाढदिवसाच्या शुभेच्छा दिल्या.
View this post on Instagram
आमिरला हवंय वाढदिवसाचं गिफ्ट...
वाढदिवसानिमित्त शुभेच्छा देण्यासाठी आलेल्या 'लापता लेडीज' चित्रपटाच्या टीमचे आमिर खानने कौतुक केले. हा मानवी नातेसंबंधांवर आधारित उत्कृष्ट चित्रपट असल्याचे आमिरने म्हटले. यावेळी आमिर खान म्हणाला की, तुमच्यापैकी कोणाला मला गिफ्ट द्यायचे असेल तर त्याने लापता लेडीज चित्रपटाचे तिकीट विकत घ्यावे आणि हा चित्रपट पाहावा, हेच माझे गिफ्ट असेल, असेही आमिरने म्हटले.
आमिर खानने बालकलाकार म्हणून चित्रपटसृष्टीत प्रवेश केला. 'कयामत से कयामत तक', 'दिल','राजा हिंदुस्तानी', बाझी, गुलाम, मन, सरफरोश, लगान, दिल चाहता है, रंग दे बसंती आदी चित्रपटांमधील भूमिकेचे त्याचे कौतुक झाले. आमिर खान वेगवेगळ्या धाटणीचे चित्रपट करण्यासाठी प्रसिद्ध आहे. आमिरच्या चित्रपटात वेगवेगळे विषय हाताळले जात असल्याने चाहत्यांना त्याच्या चित्रपटांची उत्सुकता असते.
बॉक्स ऑफिसवर कमाई
लापता लेडिज हा चित्रपट सध्या बॉक्स ऑफिसवर चांगली कमाई करत आहे. सुरुवातीला कमाईच्या बाबतीत धीमा असलेल्या चित्रपटाने आता वेग पकडला आहे. मागील 13 दिवसांमध्ये चित्रपटाने 9.79 कोटींची कमाई केली आहे.
इतर संबधित बातमी:
महत्त्वाच्या बातम्या
ट्रेंडिंग न्यूज
