Bigg Boss: बिग बॉस फेम विशाल-रुचिता पुन्हा चर्चेत; दोघांचं इन्स्टाग्राम अकाऊंट एकत्र बंद झालं; चाहते संभ्रमात
Bigg Boss Marathi 6: बिग बॉस फेम रुचिता जामदार आणि विशाल कोटियन यांचं इन्स्टाग्राम बंद झाले असल्याची माहिती.
Vishal Kotian And Ruchita Instagram Accounts Not Visible: बिग बॉस मराठीचा सहावा सिझन (Bigg Boss Marathi) आता अंतिम टप्प्यावर पोहोचला आहे. मागच्या आठवड्यात धक्कादायक एलिमिनेशन पार पडलं. ड्रामा क्विन राखी सावंतचा (Rakhi Sawant) बिग बॉसच्या घरातील प्रवास संपला. राखी सावंतच्या चाहत्यांना मोठा धक्का बसला. वाईल्ड कार्ड एन्ट्री (Wild Card Entry) घेतलेल्या राखी सावंतने प्रेक्षकांचं पुरेपूर मनोरंजन केलं. तिचं एलिमिनेट होणं अनेकांसाठी धक्कादायक होतं. आता बिग बॉसच्या घरात एकूण 6 स्पर्धक उरले आहेत. 6 स्पर्धकांमध्ये सध्या चुरशीची लढत पाहायला मिळत आहे. मागच्या आठवड्यात बॉटम 2मध्ये विशाल आणि राखी हे 2 स्पर्धक होते. अनेकांचा असा अंदाज होता की, विशाल या घरातून निरोप घेईल. परंतु, राखीचा बिग बॉसमधील प्रवास संपला. बिग बॉसच्या घरात विशाल (Vishal Kotian) आणि रुचिताची (Ruchita Jamdar) प्रचंड चर्चा झाली होती. दरम्यान, दोघांचेही इन्स्टाग्राम अकाऊंट बंद झाले आहेत. दोघांचे अकाऊंट हॅक झाले आहे का? अकाऊंट बंद होण्यामागचं कारण काय? असे अनेक प्रश्न सध्या उपस्थित होत आहे.
विशाल कोटियन आणि रुचिता जामदार या दोघांचं इन्स्टाग्राम अकाऊंट बंद, कारण काय? (Vishal Kotian And Ruchita Instagram Accounts)
मागच्या आठवड्यात विशाल, राखी , दिपाली, राकेश आणि अनुश्री या 5 स्पर्धकांना नॉमिनेट करण्यात आलं होतं. तन्वी कोलतेला तिकीट टू फिनाले मिळाला आहे. तर, रेवा कौरासे कॅप्टन असल्यामुळे तिच्यावर नॉमिनेशनची टांगती तलवार नव्हती. राखी, विशाल , दिपाली, अनुश्री आणि राकेश यांच्यामधून अनेकांनी असा कयास बांधला की विशालला बिग बॉसच्या घरातून निरोप घ्यावा लागेल. विशाल आणि राकेश या दोघांमध्ये झालेल्या राड्यानंतर विशालला बिग बॉसने शिक्षा दिली होती. संपूर्ण सिझन विशालला नॉमिनेट करण्यात आलं होतं. विशालच्या वागण्यावर अनेकांनी आक्षेप घेतला होता. त्यामुळे विशाल एलिमिनेट होऊ शकतो, असा अंदाज काहींचा होता. परंतु, धक्कादायक एलिमिनेशन पार पडलं. राखी सावंतला बिग बॉसच्या घरातून निरोप घ्यावा लागला.
विशाल अनेका कारणांमुळे बिग बॉसच्या घरात चर्चेत आला होता. विशाल कोटियन आणि रुचिता जामदार यांच्यातील बॉण्डिंग संपूर्ण महाराष्ट्राने पाहिले होते. शेवटी शेवटी त्यांच्यात बिनसलं आणि रुचिता जामदारला बिग बॉसच्या घरातून निरोप घ्यावा लागला. सध्या दोघेही पुन्हा एकदा चर्चेत आले आहेत, आणि चर्चेत येण्यामागचं कारण म्हणजे इन्स्टाग्राम. विशाल कोटियन आणि रुचिता जामदार यांचं इन्स्टाग्राम अकाऊंट सोशल मीडियावर प्लॅटफॉर्मवर दिसत नाहीयेत. विशाल आणि रुचिताचं इन्स्टाग्राम अकाऊंट बंद झाले आहे का? किंवा हॅक झाले आहे का? असे अनेक प्रश्न उपस्थित होत आहे. विशाल बिग बॉसच्या घरात, रुचिता घराबाहेर आहे, तरीही दोघांचे अकाऊंट बंद कसे झाले? असे अनेक प्रश्न सध्या अनुत्तरित आहेत.
महत्त्वाच्या इतर बातम्या:
आशाताईंच्या जाण्याने पाकिस्तानही शोकाकूल; अभिनेता अन् गायकांकडून दु:ख व्यक्त, म्हणाले...
महत्त्वाच्या बातम्या
