Actress Slams Users on obscene Content Demand: 'ही काही पॉर्न साईट नाही...', 'बिग बॉस'फेम अभिनेत्री अश्लील मागण्यांवर चांगलीच भडकली; म्हणाली, 'कपडे काढून उभं राहण्याची अपेक्षा...'

सध्या सोशल मीडियावर आणि मनोरंजनसृष्टीत 35 वर्षीय अभिनेत्रीची मोठी चर्चा रंगली आहे . बिग बॉस फेम या अभिनेत्रीने तिच्या चाहत्यांना कडक शब्दात सुनावलंय.

Actress

Source : ABPLIVE AI

Tamil Actress Abhirami Venkatchalam:मनोरंजनसृष्टीत अनेक लोकप्रिय शोमध्ये झळकलेली तसेच OTT, चित्रपट मालिकांमध्ये सक्रिय असलेली एक लोकप्रिय अभिनेत्री अभिरामी वेंकटाचलम (Abhirami Venkatachalam) सध्या सोशल मीडियावर जोरदार चर्चेत आहे. तिच्या एका पोस्टमुळे इंटरनेटवर मोठी चर्चा रंगली आहे. 35 वर्षीय अभिरामीने आपल्या सबस्क्राइबर्सना स्पष्ट शब्दांत सुनावलं असून, त्यांच्या चुकीच्या आणि अश्लील मागण्यांवर ती भडकली आहे.

नेमकी का भडकली अभिनेत्री?

अभिरामीने अलीकडेच सबस्क्रिप्शन मॉडेलिंग सुरू केलं आहे. यामध्ये चाहत्यांना पैसे भरून  तिचा एक्सक्लूसिव्ह क्रिएटिव्ह कंटेंट पाहता येतो. मात्र काही सबस्क्राइबर्सकडून तिला अश्लील फोटो आणि न्यूड फोटो, व्हिडिओ टाकण्याची मागणी केली जात होती. यावर संताप व्यक्त करत अभिरामीने स्पष्ट केलं की, तिने हा प्लॅटफॉर्म फक्त तिच्या क्रिएटिव्ह आणि आर्टिस्टिक फोटोंसाठी सुरू केला आहे. तिने थेटच सांगितलं, “जर कोणी इथे कपडे काढून उभं राहण्याची अपेक्षा करत असेल, तर त्यांनी लगेच अनसबस्क्राइब करावं.” तिच्या या पोस्टमुळे सोशल मीडियावर मोठी चर्चा सुरू झाली आहे.

'ही काही वल्गर साइट नाही’

अभिनेत्रीने पुढे लिहिलं की, “मला काय पोस्ट करायचं हे कोणी सांगू नये. मी इथे माझी क्रिएटिव्हिटी शेअर करण्यासाठी आहे. ज्यांना ते कलात्मक स्वरूपात पाहायचं आहे, त्यांचंच स्वागत आहे. आणि एक गोष्ट लक्षात ठेवा. ही काही वल्गर साईट नाही.'

कोण आहे अभिरामी वेंकटाचलम?

अभिरामी वेंकटाचलम ही तमिळ चित्रपट आणि टीव्ही इंडस्ट्रीतील ओळखीची अभिनेत्री आहे. तिचा जन्म 9 मार्च 1991 रोजी चेन्नई येथे झाला. तिने आपल्या करिअरची सुरुवात मॉडेलिंगपासून केली आणि 2017 मध्ये ‘मिस तमिळनाडू’ हा किताब जिंकला.

2018 मध्ये विजय देवरकोंडा यांच्या ‘नोटा’ या चित्रपटातून तिने मोठ्या पडद्यावर पदार्पण केलं. त्यानंतर अजिथ कुमार यांच्या ‘ नेरकोंडा पारवई’ आणि आर. माधवन यांच्या ‘ रॉकेट्री’मध्येही ती झळकली आहे.

बिग बॉसमुळे मिळाली ओळख

अभिरामी ‘बिग बॉस तमिळ’च्या स्पिन-ऑफ ‘बिग बॉस अल्टिमेट’मध्येही सहभागी झाली होती, जिथे ती पाचवी रनर-अप ठरली. याशिवाय तिने काही रिअॅलिटी शो होस्टही केले आहेत.

चित्रपटांसोबतच अभिरामीने वेब सीरिजमध्येही काम केलं आहे. ‘Ctrl Alt Delete’ आणि ‘Iru Dhruvam’ या सीरिजमधील तिच्या भूमिकेचं कौतुक झालं. सध्या ती ‘ नेरूंजी’ आणि ‘August 27’ या आगामी प्रोजेक्ट्सवर काम करत आहे.