Bigg Boss 16 : सलमान खानचा सुंबुल तौकीरवर राग अनावर; 'या' कारणामुळे घेणार जोरदार शाळा
Bigg Boss 16 Upcoming Episode : सलमान खान गेल्या काही आठवड्यांपासून सुंबुलच्या खेळावर लक्ष ठेवून आहे. या आठवड्यात सुंबुल सलमानच्या रागाची शिकार होणार आहे.
Bigg Boss 16 Upcoming Episode : 'बिग बॉस' शोचा होस्ट सलमान खान हा गेल्या आठवड्यात डेंग्यूच्या आजारपणामुळे बिग बॉस 16 (Big Boss 16) पासून दूर होता. मात्र, या शुक्रवारी सलमान (Salman Khan) बिग बॉसच्या मंचावर उपस्थित राहणार आहे. फक्त एवढेच नाही तर, सलमान खान या वेळी स्पर्धकांची हजेरीही घेणार आहे. फ्रायडे का वारमधून सलमान घरातील अनेक सदस्यांना आरसा दाखवताना दिसणार आहे. यामध्ये सुंबुल तौकीरचा (Sumbul Touqeer) खेळ पाहून सलमानला विशेष राग येतो. मीडिया रिपोर्ट्सनुसार, सलमान गेल्या काही आठवड्यांपासून सुंबुलच्या खेळावर लक्ष ठेवून आहे. तिच्या खेळाच्या आधारे सलमान तिला रिअॅलिटी चेक दाखवताना दिसणार आहे.
सलमान सुंबुलला सांगतो की, "तू प्रेक्षकांना सोलो स्पर्धकाप्रमाणे खेळताना दिसत नाहीस. मी तुला आठवडाभर क्वचितच पाहिले आहे. तू खेळात काय करत आहेस? उभी राहा, कधी सोफाच्या मागे लपून बस तर कधी बेडरूममध्ये बस." सलमानचा फटकार ऐकून सुंबुलच्या डोळ्यात पाणी आले. यानंतर, सलमान प्रियांका चहर (Priyanka Chahar) चौधरीशी बोलतो आणि म्हणतो की, तिने बिग बॉसला असे सांगितले होते की, अंकित गुप्ता हा आतून एक स्ट्रॉंग स्पर्धक आहे आणि तो एक चांगला कंटेन्डर देखील आहे.
प्रियांकालाही खडसावले
सलमानने प्रियांकाला विचारले की, "त्याच्या आत काय आहे हे पाहण्यासाठी तिने अंकितचा एक्स-रे केला आहे का? यानंतर, सलमान अंकितला सांगतो की, तो सुरक्षित खेळत आहे आणि तो त्याच्या कम्फर्ट झोनमध्ये असल्यामुळे घरातील बाकीच्यांना त्याच्यापासून कोणताही धोका वाटत नाही. अंकित दाखवत आहे की, त्याला आता बिग बॉसच्या घरात राहण्याची गरज नाही आणि तसे असल्यास तो शो सोडू शकतो."
मागच्या आठवड्यात करण जोहरने शो होस्ट केला
गेल्या आठवड्यात सलमानची तब्येत बरी नसताना दिग्दर्शक करण जोहरने त्याच्या जागी वीकेंड का वार होस्ट केला होता आणि मन्या सिंग शोमधून बाहेर पडला होता. या वीकेंड का वार भागात, कतरिना कैफ, इशान खट्टर आणि सिद्धांत चतुर्वेदी त्यांच्या फोन भूत चित्रपटाचे प्रमोशन करताना दिसणार आहेत.
महत्वाच्या बातम्या :
महत्त्वाच्या बातम्या
