Anant Ambani Radhika Merchant : अनंत-राधिकाची लगीनघाई; किती कोटींची मालकीण आहे अंबानींची होणारी नवी सून?
Anant-Radhika Net Worth : रिलायन्स समूहाचे सर्वेसर्वा मुकेश अंबानी आणि नीता अंबानी यांचे धाकटे चिरंजीव अनंत अंबानी हे राधिका मर्चंटसोबत विवाहबद्ध होणार आहेत.
Anant-Radhika Net Worth : देशातील आघाडीचे उद्योजक आणि रिलायन्स समूहाचे सर्वेसर्वा मुकेश अंबानी (Mukesh Ambani) आणि नीता अंबानी (Nita Ambani) यांचे धाकटे चिरंजीव अनंत अंबानी (Anant Ambani) हे राधिका मर्चंटसोबत (Radhika Merchant) विवाहबद्ध होणार आहेत. काही दिवसांपूर्वी या जोडप्याच्या लग्नाचे आमंत्रण व्हायरल झाले होते. 1 ते 8 मार्च या दरम्यान अनंत-राधिकाच्या विवाहाचे प्री-वेडिंग कार्यक्रम रंगणार आहेत. अनंत अंबानी यांची होणारी पत्नी राधिका मर्चंट यांच्याकडे किती संपत्ती आहे, याची चर्चा रंगू लागली आहे.
अनंत अंबानीची संपत्ती किती?
मुकेश अंबानी यांचा धाकटा मुलगा अनंत अंबानी याचे शालेय शिक्षण धीरूभाई अंबानी इंटरनॅशनल स्कूलमधून झाले. त्यांनी अमेरिकेतील ब्राऊन विद्यापीठातून पदवी प्राप्त केली. यानंतर अनंत मुंबईत परतले आणि वडिलांच्या मार्गदर्शनात रिलायन्स इंडस्ट्रीजमध्ये काम करू लागले. 'डीएनए'च्या रिपोर्टनुसार अनंत अंबानींची एकूण संपत्ती 3,44,000 कोटी रुपये आहे.
राधिका मर्चंटचे शिक्षण किती?
राधिका मर्चंट यादेखील संपत्तीच्या बाबतीच्या होणारा नवरा अनंत अंबानीपेक्षा काही कमी नाही. राधिका या प्रसिद्ध उद्योगपती वीरेन मर्चंट यांची मुलगी आहे. त्यांचा जन्म गुजरातमधील कच्छ येथे झाला. राधिका मर्चंट यांनी 'कॅथेड्रल अँड जॉन कॉनन'आणि मुंबईतील इकोले मोंडियाल वर्ल्ड येथून आपले शिक्षण पूर्ण केले. न्यूयॉर्क विद्यापीठातून त्यांनी राजकारण आणि अर्थशास्त्रात पदवी पूर्ण केली.
राधिका मर्चंट यांची संपत्ती किती?
राधिका मर्चंटने तिचे पदवी शिक्षण पूर्ण केल्यानंतर मायदेशी परतली. राधिका मर्चंट या रिअल इस्टेट फर्ममध्ये काम करत आहे. राधिकाच्या एकूण संपत्तीबाबत कोणतीही विशेष माहिती समोर आलेली नाही. पण काही मीडिया रिपोर्ट्सनुसार, राधिका मर्चंटकडे 8 ते 10 कोटी रुपयांची संपत्ती आहे. राधिकाचे वडील वीरेन मर्चंट हे प्रसिद्ध उद्योगपती आहेत. GQ नुसार त्यांची एकूण संपत्ती 755 कोटी रुपये आहे. राधिका मर्चंटला नृत्याची खूप आवड आहे. ती एक उत्कृष्ट भरतनाट्यम नृत्यांगना आहे. जिओ वर्ल्ड सेंटरच्या ग्रँड थिएटर बीकेसीमध्ये त्याने पहिल्यांदा स्टेजवर परफॉर्मेन्स सादर केला होता.
राधिका-अनंत यांचा साखरपुडा मागील वर्षी अँटिलियामध्ये पार पडला. या सोहळ्याला बॉलिवूड स्टार्ससह अनेक बड्या व्यक्तींनी हजेरी लावली होती. सध्या लग्नाची तयारी जोरात सुरू आहे.
अनंत आणि राधिकाच्या प्री-वेडिंग फंक्शनमध्ये रणबीर कपूर आणि आलिया भट्ट जबरदस्त परफॉर्मन्स देणार असल्याच्या बातम्या आहेत. त्याशिवाय इतर सेलिब्रेटीदेखील परफॉर्मेन्स सादर करणार असल्याचे म्हटले जात आहे. या विवाहसोहळ्याला आंतरराष्ट्रीय पातळीवरील उद्योजकही सहभागी होणार असल्याचे वृत्त आहे.
महत्त्वाच्या बातम्या
ट्रेंडिंग न्यूज
