Welcome to the Jungle: 'वेलकम टू द जंगल'चं बॉक्स ऑफिसवर वादळ; 7 व्या दिवशीही कोट्यवधींच्या घरात कमाई, किती कमावले?
Welcome to the Jungle: सातव्या दिवशी 'वेलकम टू द जंगल' या सिनेमानं 5.25 कोटींचे कलेक्शन केले आहे.
Welcome to the Jungle Box Office Collection: अक्षय कुमार (Akshay Kumar) स्टारर 'वेलकम टू द जंगल' (Welcome to the Jungle) या सिनेमानं ओपनिंग डे पासून बॉक्स ऑफिसवर धुमाकूळ घातला आहे. या सिनेमात अॅक्शन, अॅडव्हॅन्चर आणि कॉमेडीचा तडका पाहायला मिळतो. या सिनेमाला प्रेक्षकांची पसंती पाहायला मिळते. अहमद खान दिग्दर्शित या सिनेमानं विकेंडला बॉक्स ऑफिसवर उत्तम कामगिरी केली. मात्र, विकडेजमध्ये या सिनेमाच्या कमाईत काही अंशी घट झाली असल्याचं पाहायला मिळालं. विकडेजमध्ये या सिनेमाला मंदीचा सामना करावा लागला असला तरी, या सिनेमानं संपूर्ण कमाईत चांगली कामगिरी केली आहे. 26 जून रोजी रिलीज झालेल्या या सिनेमानं प्रदर्शनाच्या सातव्या दिवशी किती कोटींचे कलेक्शन केले? जाणून घेऊयात.
'वेलकम टू द जंगल' या सिनेमानं प्रदर्शनाच्या सातव्या दिवशी किती कोटींचे कलेक्शन केलंय? (Welcome to the Jungle)
मल्टी स्टारर 'वेलकम टू द जंगल' या सिनेमाची प्रदर्शनाच्या आधीपासून प्रचंड चर्चा रंगली होती. 30 कलाकारांच्या टीमने या सिनेमाला चारचांद लावले. प्रदर्शनाच्या आधी या सिनेमाची बंपर प्री-बुकिंग झाली होती. सिनेमागृहात प्रदर्शित झाल्यानंतर क्रिटिक्स तसेच प्रेक्षकांनी या सिनेमाला भरघोस प्रतिसाद दिला. यानंतर माऊथ पब्लिसिटीचा या सिनेमाला फायदा झाला. प्रदर्शनाच्या पहिल्या दिवसापासून या सिनेमानं बॉक्स ऑफिसवर आपली पकड मजबूत केली.
फिल्मच्या कलेक्शनबद्दल बोलायचं झाल्यास पेड प्रीव्ह्यूमध्ये या सिनेमानं 3.75 कोटींचे कलेक्शन केले आहे. तर ओपनिंग डेला या सिनेमानं 15.25 कोटींचे कलेक्शन केले आहे. तर, दुसऱ्या दिवशी या सिनेमानं 20 कोटींचे कलेक्शन केले आहे. तर, तिसऱ्या दिवशी या सिनेमानं 24.75 कोटी रुपयांची कमाई केली. दरम्यान, चौथ्या दिवशी 8.50 कोटींचे कलेक्शन केले. पाचव्या दिवशी 9.25 कोटी तर, सहाव्या दिवशी 6.15 कोटींचे बॉक्स ऑफिस कलेक्शन केले.
सॅकनिल्कच्या अर्ली ट्रेंड रिपोर्टनुसार, सातव्या दिवशी या सिनेमानं 5.25 कोटींचे कलेक्शन केले आहे. 'वेलकम टू द जंगल' या सिनेमानं एकूण सात दिवसांत 92.90 कोटींचं बॉक्स ऑफिस कलेक्शन केले आहे. येत्या काही दिवसांत हा सिनेमा 100 कोटींचा टप्पा गाठेल यात शंका नाही. विशेष म्हणजे या सिनेमानं 'कॉकटेल 2' या चित्रपटाला पछाडलं. आतापर्यंत 'कॉकटेल 2' या सिनेमानं 89.40 कोटींचे कलेक्शन केले आहे. तर, 'वेलकम टू द जंगल' या सिनेमानं सात दिवसांत 92.90 कोटींचं दणदणीत बॉक्स ऑफिस कलेक्शन केले आहे.
महत्त्वाच्या इतर बातम्या:
महत्त्वाच्या बातम्या
