Akshay Kelkar : 'तुमच्यामुळे माझी पंढरी सजली...', अभिनेत्याने सजवलं नवं घर, व्हिडीओ शेअर करत म्हणाला...
Akshay Kelkar : मराठी अभिनेत्याने त्याचं नवं घर सजवातानाचा एक व्हिडीओ शेअर केला आहे.
Akshay Kelkar : हरिनामाच्या गजरात आज अवघा महाराष्ट्र दुमदुमला आहे. आषाढी एकदशीनिमित्ताने विठुरायाला भेटायला महाराष्ट्रभरातून लोकं पंढरीत दाखल झाली आहेत. तसेच अनेकांनी त्यांच्या विठुरायासोबतचे काही क्षणही शेअर केले आहेत. अनेक मराठी कलाकारांनी देखील त्यांचे वारीचे फोटो शेअर करत हा अनुभव सांगितलाय. पण या सगळ्यात एका मराठी अभिनेत्याची (Marathi Actor) पोस्ट बरीच चर्चेत आली आहे.
एका मराठी अभिनेत्याने त्याच्या नव्या घराचा व्हिडीओ शेअर करत त्याची पंढरी कशी सजली याची झलक दाखवली आहे. बिग बॉसच्या घरातून अभिनेता अक्षय केळकर हा घरांघरात पोहचला. अक्षयने नुकतच त्याचं नवं घर विकत घेतलं. पण आता त्याने त्याच्या या नव्या घराची झलक दाखवली आहे. त्याने त्याच्या घराला पंढरीचं रुप देण्याचा प्रयत्न केला आहे.
अक्षयने शेअर केला खास व्हिडीओ
अक्षय केळकरने त्याच्या घराचा खास व्हिडीओ शेअर केला आहे. त्यामध्ये त्याने म्हटलं की, जेव्हा ह्या देवळ्या बनवल्या तेव्हा सुरुवातीला माहीत नव्हत इथे मी नेमकं काय ठेवणार आहे... खूप गोष्टींचा विचार केलेला पण... इथे दैवी गोष्ट च यायची होती. माझ्या घरासाठी आलेलं हे एक सुंदर gift! तेही माझ्या नव्या शेजाऱ्यांकडून! कलाकार माणूस भेटला. माझी पंढरी सजली आणि तुमच्या मुळे इतकी सुंदर सजली. विशेष म्हणजे हे सुंदर वारकरी अभिजित सरांनी स्वतः बनवलेले आहेत. त्यामुळे, this set is one and only! So, हे आता फक्त माझ्याकडेच आहेत. Trust me, ही श्रीमंतीच वेगळी आहे!
View this post on Instagram
कशी आहे अक्षयची पंढरी?
अक्षयने त्याच्या घरामध्ये छोट्या दिवळी केल्यात. यामध्ये त्याने वारकऱ्यांच्या मूर्ती ठेवल्याचं पाहायला मिळतंय. त्याचप्रमाणे घराच्या भिंतीवरही माझी पंढरी असं लिहिलं आहे. अनेकांनी या व्हिडीओवर कमेंट्स करत या त्याच्या कल्पनेचं कौतुक केल्याचं पाहायला मिळतंय.
ही बातमी वाचा :
महत्त्वाच्या बातम्या
