Actress Divorce: अभिनेत्री हंसिकानं 4 वर्षांच्या संसाराला दिला पूर्णविराम; काडीमोड घेण्यामागचं कारण काय? म्हणाली, 'मला पश्चाताप...'
Actress Hansika Motwani on divorce: हंसिका मोटवानीने सोहेलसोबत घेतलेल्या काडीमोडबद्दल कारण सांगितलं.
Hansika Motwani On Divorce: बरेच वर्षे एकमेकांना डेट केल्यानंतर साऊथ इंडस्ट्रीतील अभिनेत्री हंसिका मोटवानी (Hansika Motwani) हिने सोहेल खथुरियासोबत (Sohail Kathuria) लग्नगाठ बांधली. दरम्यान, लग्न झाल्यानंतर दोघांमध्ये सर्व काही अलबेल (Entertainment) सुरू नव्हतं. लग्नाच्या काही वर्षांनंतर दोघांनी काडीमोड घेण्याचा निर्णय घेतला. हंसिका आणि सोहेल या कपलने काडीमोड घेतल्यानंतर त्यांच्या चाहत्यांना मोठा धक्का बसला होता. तेव्हापासून हंसिका तिच्या वैयक्तिक आयुष्यामुळे चर्चेत आली आहे. नुकतेच अभिनेत्रीने मुलाखत दिली होती. या मुलाखतीत तिने सोहेल खथुरियासोबत घेतलेल्या घटस्फोटाबद्दल कारण सांगितले. तसेच विभक्त होण्यामागचे कारणही सांगितले.
सोहेलसोबत घेतलेल्या घटस्फोटाबाबत हंसिका काय म्हणाली? (Hansika and Sohail Kathuria Divorce)
सोहेलसोबत घटस्फोट तसेच नकारात्मकतेबद्दल आपलं मत व्यक्त करत हंसिका म्हणाली, 'लोकांना लक्ष वेधून घेणाऱ्या गोष्टी हव्या असतात. सर्वांना चर्चेत राहायचं असतं. मी यावर कधीही स्पष्टीकरण दिलेलं नाही. मला या गोष्टींची पर्वा नाही. सर्व काही ठीक आहे. मला कोणताही पश्चाताप नाही. जर तुम्ही चुकीच्या ट्रेनमध्ये चढला असाल, तर त्रास सहन करण्यापेक्षा ट्रेनमधून उतरणे केव्हाही चांगले. माझ्या कुटुंबाने मला साथ दिली आहे. मी जिथे आहे, तिथे खूश आहे', असं हंसिका म्हणाली.
हंसिकाने सांगितले की, 'या कठीण काळात आई आणि भाऊ माझ्यासोबत होते. माझ्या आई आणि भावाने मला सांगितले की, जर तू या नात्यात आनंदी नसेल तर, ते पुढे सुरू ठेवण्यात अर्थ नाही. मला त्यांनी कठीण काळातून जाताना पाहिले आहे. मी खूप आनंदी राहणारी व्यक्ती आहे. मी बऱ्याचदा नाराज आणि चिंतेत राहत होते. त्यामुळे मला त्यांनी सांगितले होते की, जो काही तुझा निर्णय असेल, त्या निर्णयामागे आम्ही तुझ्या पाठीशी आहोत. कुटुंबाचा पाठिंबा होता', असं हंसिका म्हणाली.
4 वर्षांच्या संसाराला काडीमोड, घटस्फोट घेण्यामागचं कारण काय? (Hansika Motwani On Divorce)
'जेव्हा जे काही घडतं, तेव्हा ते फक्त दोन व्यक्तींपुरतं मर्यादित असतं, आणि त्यांनाच ते माहीत असतं. तिसरी कोणतीही व्यक्ती त्यावर बोलू किंवा भाष्य करु शकत नाही', असं हंसिका म्हणाली. हंसिका मोटवानी आणि सोहेल खथुरियाने डिसेंबर 2022 मध्ये लग्नगाठ बांधली होती. जयपूरच्या मुंडोता फोर्ट एंड पॅलेजमध्ये त्यांनी लग्न केलं. मात्र, गेल्या वर्षी त्यांच्या वैवाहिक जीवनात काहीतरी बिनसल्याच्या अफवा पसरु लागल्या.
महत्त्वाच्या इतर बातम्या:
महत्त्वाच्या बातम्या
