एक्स्प्लोर

Vidhan Sabha Election 2024: मोठी बातमी : उद्धव ठाकरे उमेदवार यादीत बदल करणार, काँग्रेस-राष्ट्रवादीच्या आग्रहानंतर निर्णय, कोणकोणते उमेदवार बदलणार?

Uddhav Thackeray Group : ठाकरेंनी जाहीर केलेल्या पहिल्या उमेदवार यादीमध्ये जाहीर केल्या गेलेल्या तीन ते चार उमेदवारांच्या नावात बदल होणार आहे.

By : वेदांत नेब | Edited By: श्रद्धा भालेराव | Updated at : 25 Oct 2024 11:05 AM (IST)

Uddhav Thackeray

Source : PTI

Vidhan Sabha Election 2024 : शिवसेना ठाकरे गटानं जाहीर केलेल्या 65 उमेदवारांच्या यादीमध्ये काही मोजक्या तीन ते चार उमेदवारांच्या नावात बदल होणार असल्याची माहिती मिळत आहे. महाविकास आघाडीमध्ये काही मोजक्या जागांवर तिढा कायम असताना त्या तिढा असलेल्या जागांवरसुद्धा शिवसेना ठाकरे गटाकडून उमेदवारी जाहीर केली असल्याची माहिती मिळत आहे. पहिल्या उमेदवार यादीमध्ये जाहीर केल्या गेलेल्या तीन ते चार उमेदवारांच्या नावात बदल होणार आहे.

ठाकरे गटाकडून जाहीर केलेल्या 65 जागांमध्ये काही बदल होणार

महाविकास आघाडीमध्ये शिवसेना उद्धव बाळासाहेब ठाकरे गटानं 65 जागा जाहीर केल्या आहेत. त्यातील मोजक्या तीन ते चार जागांवर काही ठिकाणी काँग्रेसचे आणि काही ठिकाणी राष्ट्रवादी काँग्रेस शरदचंद्र पवार पक्ष हे आग्रही आहेत. त्यामुळे उमेदवारी संदर्भात पुन्हा एकदा पुनर्विचार केला जावा, अशी मागणी महाविकास आघाडीत ठाकरेंसोबत असलेल्या मित्रपक्षांनी केली आहे. त्यामुळे ठाकरे जाहीर केलेल्या यादीतील काही नावांमध्ये बदल करणार असल्याची माहिती मिळत आहे.

शिवसेना उद्धव ठाकरे गटानं महाराष्ट्र विधानसभेसाठी 65 उमेदवारांची पहिली यादी जाहीर केली आहे. माहीम मतदारसंघातून महेश सावंत यांना उमेदवारी देण्यात आली आहे. वरळी मतदारसंघातून अदित्य ठाकरेंना उमेदवारी जाहीर करण्यात आली आहे. तर, कोपरी पाचपाखाडीमधून केदार दिघेंना उमेदवारी जाहीर करण्यात आली असून शिवसेना एकनाथ शिंदे गटातून एकनाथ शिंदे यांच्याविरोधात निवडणुकीच्या रिंगणात दिसतील.