Saroj Patil : शरद पायाला भिंगरी लावून फिरतोय मी घरात कशी बसू? मला फक्त मुश्रीफला पाडायचंय, सरोज पाटील यांचं बारामतीत आक्रमक भाषण
Saroj Patil : शरद पवार यांच्या बहीण सरोज पाटील यांनी 'निर्भय बनो'च्या सभेत आक्रमक भाषण केलं आहे.
Saroj Patil, बारामती : बारामती विधानसभा मतदारसंघात आज (दि.14) 'निर्भय बनो'ची सभा पार पडली. या सभेला सामाजिक कार्यकर्ते विश्वंभर चौधरी, वकिल असीम सरोदे यांच्यासह शरद पवार यांच्या बहीण आणि एनडी पाटील यांच्या पत्नी सरोज पाटील या देखील उपस्थित होत्या. सरोज पाटील यांनी विधानसभा निवडणुकीत शरद पवारांना मोठं यश मिळेल, असा विश्वास व्यक्त केला. महाविकास आघाडीचे कोणते उमेदवार विजय होतील, याबाबतही सरोज पाटील यांनी भाष्य केलं.
सरोज पाटील काय काय म्हणाल्या?
शरद पायाला भिंगरी लावून फिरतो त्याचं वाईट वाटतं. मी घरी कशी बसू? कोल्हापूरमध्ये आमचे सगळे लोकं येणार आहेत. मला फक्त मुश्रीफला पडायचं आहे. भाजपचे अत्यंत नालायक लोकं आहेत. भिडे लोकांना पैसे देतो दारू देतो आणि भाजपचा प्रचार कर म्हणतो. आईने पोरांवर लक्ष ठेवले पाहिजे. भाजप सोडून कुणालाही मतदान करा. हे नालायक लोकं आहेत, असंही सरोज पाटील म्हणाल्या. ़
पुढे बोलताना सरोज पाटील म्हणाल्या, आमचा जन्म पारतंत्र्यात झाला. आमच्या घरात नाना पाटील घरात लपून बसायचं. जाताना त्यांना पैसे द्यायचं. घरचे आम्हाला दम द्यायचे घरात कुणी आहे म्हणून सांगायचे नाही...आमची आई म्हणायची जे समाजाचा संसार करतात त्याचा संसार समाजानं करायचा असतो. शरद पवार आणि एन डी पाटील राजकारणाचा जोडे बाजूला ठेवायचे आणि घरात यायचे. आमच्या आई वडिलांना सगळ्यात लाडका जावई एनडी होते. फाटका जावई लाडका होता.
आमची मुले म्हणायची आम्हाला एकच मामा म्हणजे तात्यासाहेब मामा (अजित पवारांचे वडील) असं बोलताना सरोज पाटील भावनिक झाल्या. लोकशाही टिकवा भटा ब्राह्मण यांच्या नादाला लागू नका. गाण्यापासून बोध घ्या आणि भाजपला चिरडून टाका, असं आवाहनही सरोज पाटील यांनी केलं.
असीम सरोदे म्हणाले, न्यायाधीशांना जास्त कायदा कळतो. पण कळलेला कायदा कुणाच्या बाजूने वापरायचा हे ते ठरवतील असतील त्यांनी घरी बसावं. चंद्रचूड साहेबांना सांगायला पाहिजे. की तुम्ही संविधानिक निर्णय घेण्यास कमी पडला. नरेंद्र मोदी यांनी न्याय व्यवस्थाचा पाया कमकुवत केला जेव्हा ते गणपतीच्या आरतीला गेले तेव्हा. आज काँग्रेसच्या नेत्या मार्फत मी जे भाजपचे उमेदवार म्हणाले होते. संविधान बदलू त्यांच्यामार्फत मी निवडणूक आयोगाला नोटीस पाठवली आहे.
मी जरांगे पाटील यांच्याशी बोलायचो भेटायचो. शरद पवार आणि उद्धव ठाकरे म्हणाले त्यांच्याशी बोला. विधानसभेला जरांगे पाटील उमेदवार देणार होते.. मी त्यांच्याकडे गेलो. जरांगे पाटील यांनी उमेदवार उभे केले नाहीत. देवेंद्र फडणवीस यांना वाटत होतं जरांगे यांनी उमेदवार उभे करावेत.. कारण मताचे विभाजन होईल.. जरांगे म्हणाले माझा राग फडणवीस यांच्यावर आहे, असंही फडणवीस म्हणाले.
इतर महत्त्वाच्या बातम्या
तुमच्या आमदाराने मला पाणी पाजलं; अजित पवारांच्या वक्तव्याने सभेत हशा पिकला; नेमका काय किस्सा घडला?
महत्त्वाच्या बातम्या
ट्रेंडिंग न्यूज
