Pune Gram Panchayat Election Result 2022 LIVE : दौंड, इंदापूर आणि बारामती मतदान मोजणी पूर्ण
Pune Gram Panchayat Election Result 2022 LIVE : पुणे जिल्ह्यातील 176 ग्रामपंचायतींच्या (gram Panchayat Election Results 2022) सार्वत्रिक निवडणुकीची मतमोजणी आज (मंगळवारी) सकाळी 10 वाजता सुरू झाली आहे .
Background
Pune Gram Panchayat Election Result 2022 : पुणे जिल्ह्यातील 176 ग्रामपंचायतींच्या (gram Panchayat Election Results 2022) सार्वत्रिक निवडणुकीची मतमोजणी आज (मंगळवारी) सकाळी 10 वाजता सुरू झाली आहे. त्यानंतर अर्ध्या तासांतच निवडणुकीचे निकाल लागतील. निकालामुळे मतमोजणी केद्रांवर मोठा पोलीस बंदोबस्त तैनात करण्यात आला आहे. पुण्यात ग्रामपंचायत निवडणुकीत 80.79 टक्के मतदान झालं होतं. त्यात अडीच लाखाहून अधिक नागरिकांनी मतदानाचा हक्क बजावला होता.
अजित पवारांंनी 221 पैकी 92 ग्रामपंचायती ताब्यात घेत गड राखला
पुणे जिल्ह्यात विरोधी पक्षनेते अजित पवार आणि पालकमंत्री चंद्रकांत पाटील या दोन दादांमध्ये लढत होती. यात अजित दादांनी 221 पैकी 92 ग्रामपंचायती ताब्यात घेत गड राखला आहे. राष्ट्रवादी काँग्रेसच्या विजयात माजी गृहमंत्री दिलीप वळसे पाटील, दिलीप मोहिते, माजी राज्यमंत्री दत्ता भरणे, सुनील शेळके, अतुल बेनके यांच्या तालुक्यांचा ही मोठा वाटा राहिलेला आहे. तर पालकमंत्री चंद्रकांत पाटलांनी अनेक ठिकाणी स्वतः प्रचार केला असताना ही भाजपला अवघ्या 38 ठिकाणी विजय मिळवता आला आहे. त्यामुळे हा भाजपला धक्का मानला जात आहे. तर दुसरीकडे मुख्यमंत्री एकनाथ शिंदेंनी बंडाचं शस्त्र उगरल्यानंतर ही उद्धव ठाकरेंच्या शिवसेनेनं 12 ग्रामपंचायती काबीज केल्या आहेत, शिंदे गटाला मात्र तीन ग्रामपंचायतीत विजय मिळवून समाधान मानावे लागलेलं आहे. भोरचे काँग्रेसचे आमदार संग्राम थोपटे यांनी भोर आणि वेल्हा तालुक्यात अपेक्षेनुसार गड राखलेला आहे.
इंदापूर तालुक्याती भाजपला 11 राष्ट्रवादीला 8 तर स्थानिक आघाडीला 7 जागेवर विजय
इंदापूर तालुक्यातील 26 ग्रामपंचायतीचा मतमोजणी पार पडली. यामध्ये भाजपला 11 जागा राष्ट्रवादीला 8 जागा तर स्थानिक आघाडीला 7 जागा मिळालेल्या आहेत. राष्ट्रवादीचे दत्तात्रय भरणे विरुद्ध हर्षवर्धन पाटील अशी लढत झाली यामध्ये हर्षवर्धन पाटील यांनी भरणेवर आघाडी मिळवलेली आहे. इंदापूर तालुक्यातील अनेक ठिकाणी स्थानिक आघाडी झाली. त्यामुळे सरपंच स्थानिक आघाडीचा झाला असला तरी आतली सदस्य संख्या ही वेगवेगळ्या पक्षात विभागली गेली आहे. बारामती तालुक्यातील 13 ग्रामपंचायतीची मतमोजणी पार पडली. यामध्ये तेरा ठिकाणी राष्ट्रवादीने आपले निर्विवाद वर्चस्व कायम राखले. तर दुसरीकडे दौंड तालुक्यातील 8 ग्रामंचायत मध्ये मतमोजणी पार पडली. त्यामध्ये भाजपला 6 जागा तर राष्ट्रवादीला 1 आणि काँग्रेसला एक जागा मिळाली. त्यामुळे राहुल कुल यांनी राष्ट्रवादीच्या रमेश थोरात यांना पराभूत केलं.
महत्त्वाच्या बातम्या
