'राज'पुत्र अमित ठाकरेंच्या मतदारसंघात नरेंद्र मोदींची तोफ धडाडणार; महायुतीची जंगी सभा होणार
Maharashtra Vidhan Sabha Election 2024: पंतप्रधान नरेंद्र मोदी यांची 14 नोव्हेंबर रोजी मुंबईत सभा होणार आहे.
Narendra Modi In Mumbai: राज्यात विधानसभा निवडणुकीसाठी (Maharashtra Vidhan Sabha Election 2024) 20 नोव्हेंबर रोजी मतदान होणार आहे. तर 23 नोव्हेंबर रोजी मतमोजणी पार पडणार आहे. निवडणुकीच्या पार्श्वभूमीवर सर्वंच राजकीय पक्ष तयारीला लागले आहेत. दिवाळी संपल्यानंतर म्हणजेच 4 नोव्हेंबरपासून प्रचाराला जोर आणखी वाढताना दिसेल. याचदरम्यान एक महत्वाची माहिती समोर आली आहे.
पंतप्रधान नरेंद्र मोदी (PM Narendra Modi) यांची 14 नोव्हेंबर रोजी मुंबईत सभा होणार आहे. छत्रपती शिवाजी पार्क मैदानावर पंतप्रधान नरेंद्र मोदी यांच्या उपस्थितीत महायुतीची सभा होणार आहे. महायुतीच्या उमेदवारांसाठी ही प्रचार सभा असणार आहे. विशेष म्हणजे छत्रपती शिवाजी पार्क मैदानात हे माहीम विधानसभेत येतं आणि याच मतदारसंघातून मनसेप्रमुख राज ठाकरे (Raj Thackeray) यांचे पुत्र अमित ठाकरे (Amit Thackeray) निवडणुक लढत आहे. तर महायुतीकडून शिंदे गटाचे विद्यामान आमदार सदा सरवणकर रिंगणात आहे.
चार दिवसात नरेंद्र मोदींच्या 9 सभा होणार
नियोजित कार्यक्रमानुसार 8 नोव्हेंबरला धुळे, नाशिक, 9 नोव्हेंबर रोजी अकोला, चिमूर, 13 नोव्हेंबर रोजी सोलापूर, कोल्हापूर आणि 14 नोव्हेंबर रोजी संभाजी नगर, नवी मुंबई व मुंबई याठिकाणी नरेंद्र मोदींच्या सभा होणार आहेत.
लोकसभेच्या निवडणुकीवेळी नरेंद्र मोदींसह राज ठाकरेही होते एकाच मंचावर-
लोकसभा निवडणुकीवेळी राज ठाकरेंनी नरेंद्र मोदींना बिनशर्त पाठिंबा जाहीर केला होता. यावेळी छत्रपती शिवाजी पार्कवर नरेंद्र मोदी, एकनाथ शिंदे, देवेंद्र फडणवीस, अजित पवारांसह महायुतीमधील अनेक नेत्यांच्या उपस्थितीमध्ये एक जाहीर सभा झाली होती. या सभेत राज ठाकरे आणि अमित ठाकरे देखील मंचावर होते. राज ठाकरेंनी आपल्या भाषणात नरेंद्र मोदींवर विविध मागण्या देखील बोलावून दाखवल्या होत्या. या सभेनंतर आता पुन्हा एकदा छत्रपती शिवाजी पार्कवर नरेंद्र मोदींची महायुतीसाठी सभा होणार आहे.
नरेंद्र मोदींच्या सभेवर राहुल नार्वेकर काय म्हणाले?
नरेंद्र मोदी देशातील लोकप्रिय नेते आहेत. त्यांची शिवाजी पार्कवर सभा होणार आहे. त्यांची सभा मोठं आकर्षण असतं आता जे पोषक वातावरण आहे युतीसाठी दिसते आहे, असं भाजपचे नेते राहुल नार्वेकर यांनी सांगितले. नरेंद्र मोदींची ही सभा मुंबईतील मतदारसंघ आणि महायुतीसाठी होत आहे, फक्त माहीम या एकाच मतदारसंघासाठी नाही, असंही राहुल नार्वेकर यांनी स्पष्ट केलं आहे. तसेच राज ठाकरे या सभेसाठी उपस्थित राहिले तर चालेल का?, असा सवाल विचारल्यानंतर तो त्यांचा वैयक्तिक प्रश्न आहे, असं राहुल नार्वेकर म्हणाले.
नरेंद्र मोदींची मुंबईत सभा, Video:
संबंधित बातमी:
महत्त्वाच्या बातम्या
