Palghar Vidhan Sabha : पालघर विधानसभेत शिंदे गटाची बाजी, राजेंद्र गावित यांच्याकडून ठाकरे गटाच्या जयेंद्र दुबळा यांचा पराभव

Palghar Assembly Constituency Election 2024 : पालघर विधानसभा मतदारसंघात शिवसेनेचे उमेदवार राजेंद्र गावित विरुद्ध शिवसेना ठाकरे गटाचे जयेंद्र दुबळा यांच्यात अटीतटीची लढाई झाली.

Palghar Vidhan Sabha Election Results 2024

Source : ABP Majha

Palghar Vidhan Sabha Election 2024 : पालघर विधानसभा मतदारसंघात शिवसेना शिंदे गटाच्या राजेंद्र गावित यांनी विजय मिळवला. पालघर विधानसभेत यंदा शिवसेना शिंदे गट विरुद्द शिवसेना ठाकरे गट अशी रोमांचक लढत पाहायला मिळाली. पालघर विधानसभा मतदारसंघात महायुतीने शिवसेनेचे उमेदवार राजेंद्र गावित यांनी तिकीट दिलं होतं, शिवसेना उद्धव बाळासाहेब ठाकरे पक्षाने जयेंद्र दुबळा यांना रिंगणात उतरवलं होतं. मात्र, शिवसेनेच्या राजेंद्र गावितांनी जयेंद्र दुबळा यांचा पराभव केला.

पालघरमध्ये भाजपचे जयेंद्र दुबळा विजयी

पालघर हा शिवसेनेचा गड मानला जातो. पालघर विधानसभा मतदारसंघातील शिवसेना आणि महायुतीचे उमेदवार राजेंद्र गावित हे यांच्यात अटीतटीची लढाई झाली. गेल्या दोन टर्ममध्ये येथील मतदारांनी शिवसेनेला मत दिलं होतं आणि यंदाही जनतेनं धनुष्यबाणाचं बटण दाबलं आहे. पालघरमध्ये राजेंद्र गावित यांनी दोन वेळा खासदार म्हणून या मतदारसंघाचं प्रतिनिधित्व केलं आहे. त्यामुळे त्यांचा नागरिकांशी संवाद आहे. याचाच फायदा त्यांना या निवडणुकीत झाल्याचं दिसत आहे.

मतदारसंघातील समस्या

पालघर जिल्ह्याच्या विकासासाठी वर्सोवा ते पालघर, पालघर ते विरार आणि पालघर ते डहाणू असा एक्स्प्रेस रस्ता अर्थात सिलिंक करण्याची घोषणा मुख्यमंत्री एकनाथ शिंदे यांनी केली आहे. या सीलिंकमुळे नागरिकांचा प्रवास कमी वेळेत होईल. त्यासोबतच केंद्र सरकारने वाढवण बंदरासाठी 76 हजार कोटींची गुंतवणूक केली आहे. मच्छीमारांचा व्यवसाय देखील दुप्पट होईल. 12 लाख तरुणांना रोजगार देण्यात येईल. एमएमआरडीएचा विस्तार देखील पालघरपर्यंत होईल. पालघरला आपण नवीन एअरपोर्ट उभारत आहोत. यामुळे पालघर हा ग्रामीण विभाग न राहता भविष्यात हे देशाचे ग्रोथ इंजिन होईल, हे मुद्दे घेऊन महायुती प्रचारात उतरली आहे. त्यामुळे पालघरच्या सर्वांगीण विकासासाठी महायुतीचे उमेदवार राजेंद्र गावित यांचे हात बळकट करावं, असं आवाहन महायुतीकडून करण्यात येत आहे.

 

पालघर विधानसभा निवडणूक क्षेत्र महाराष्ट्रातील 288 विधानसभा क्षेत्रांपैकी एक आहे. या मतदारसंघात पालघर आणि डहाणू तालुक्याच्या काही भाग येतो.  सौंदर्य आणि सांस्कृतिक विविधतेसाठी पालघर मतदारसंघ ओळखला जातो. पालघर विधानसभा शिवसेनेचा गड मानला जातो. त्यामुळे शिवसेनेत फूट पडल्यानंतर यंदाच्या निवडणूक अत्यंत चुरशीची होणार आहे.

पालघरचा राजकीय इतिहास

पालघर क्षेत्राचा राजकीय इतिहास विविध पक्षांच्या प्रभावाखाली होता. 1962 मध्ये काँग्रेसचे श्रीधर पाटील विजयी झाले. त्यानंतर, 1967 मध्ये प्रजा समाजवादी पक्षाचे नवनीत्राई शाह यांनी झेंडा फडकवला. काँग्रेसने 1972 मध्ये विनायक पाटील विजयी झाले. 80 च्या दशकात काँग्रेसने आपली स्थिती पुनः मजबूत केली, पण 1990 नंतर इथे शिवसेनेचा दबदबा वाढू लागला. 1990 मध्ये अविनाश सुतार आणि 1995 मध्ये मनीषा निमकर यांनी शिवसेनेच्या तिकीटावर विजय मिळवला. मनीषा निमकर यांनी 1999 आणि 2004 मध्येही शिवसेनेची सीट जिंकून आणली. 2009 मध्ये काँग्रेसचे राजेंद्र गावित यांनी निवडणूक जिंकून काँग्रेसनं कमबॅक केलं. 2014 मध्ये शिवसेनेचे कृष्णा घोडा बाजी मारली. 2019 मध्ये शिवसेनेचे श्रीनिवास वनगा यांनी गड जिंकला.

पालघर विधानसभा मतदारसंघाचा 2024 चा निकाल

• राजेंद्र गावित - शिवसेना (विजयी)
• जयेंद्र दुबळा - शिवसेना उद्धव बाळासाहेब ठाकरे

पालघर विधानसभा निवडणूक 2019 चा निकाल

• श्रीनिवास वनगा (शिवसेना) - 68,040 मते (विजयी)
• योगेश नाम (काँग्रेस) - 27735 मते
• उमेश गोवारी (मनसे) - 12819 मते

पालघर विधानसभा निवडणूक 2014 चा निकाल

• कृष्णा घोडा (शिवसेना) - 46142 मते (विजयी)
• राजेंद्र गावित (काँग्रेस) - 45627 मते

महत्वाच्या इतर बातम्या :