![ABP Premium](https://cdn.abplive.com/imagebank/Premium-ad-Icon.png)
Maharashtra Exit Poll Result 2024 Lok Sabha Election : कोल्हापुरात मान आणि मत गादीलाच? एक्झिट पोलमध्ये शाहू महाराज आघाडीवर; हातकणंगलेत कौल कुणाला?
टीव्ही नाईनने केलेल्या एक्झिट पोलमध्ये कोल्हापूर लोकसभा मतदारसंघातून शाहू महाराज आघाडीवर असल्याचे चित्र आहे. त्यामुळे शिंदे गटाचे संजय मंडलिक पिछाडीवर असल्याचे चित्र आहे.
![Maharashtra Exit Poll Result 2024 Lok Sabha Election : कोल्हापुरात मान आणि मत गादीलाच? एक्झिट पोलमध्ये शाहू महाराज आघाडीवर; हातकणंगलेत कौल कुणाला? Maharashtra Exit Poll Result 2024 Lok Sabha Election Shahu Maharaj from kolhapur leading in exit polls Whom is Kaul in Hatkanangale Maharashtra Exit Poll Result 2024 Lok Sabha Election : कोल्हापुरात मान आणि मत गादीलाच? एक्झिट पोलमध्ये शाहू महाराज आघाडीवर; हातकणंगलेत कौल कुणाला?](https://feeds.abplive.com/onecms/images/uploaded-images/2024/06/01/fdee8f6f719687bdbe9941fac653831b1717248049322736_original.jpg?impolicy=abp_cdn&imwidth=1200&height=675)
Maharashtra Exit Poll Result 2024 Lok Sabha Election : लोकसभा निवडणुकीमध्ये सात टप्प्यातील मतदान पार पडल्यानंतर आज विविध एक्झिट पोल समोर आले आहेत. टीव्ही नाईनने केलेल्या एक्झिट पोलमध्ये कोल्हापूर लोकसभा मतदारसंघातून शाहू महाराज आघाडीवर असल्याचे चित्र आहे. त्यामुळे शिंदे गटाचे संजय मंडलिक पिछाडीवर असल्याचे चित्र आहे. अर्थात हे एक्झिट पोल आहेत. अंतिम निकाल हा चार जून रोजी स्पष्ट होणार आहे.
महाविकास आघाडीमध्ये ठाकरे-पवारांना किती जागा मिळणार? जाणून घ्या सी व्होटर एक्झिट पोल काय सांगतोयhttps://t.co/rgCylnpx66#maharashtra #loksabhaelection #ExitPollOnAbpMajha
— ABP माझा (@abpmajhatv) June 1, 2024
टीव्ही नाईनच्या एक्झिट पोलमध्ये शाहू महाराज आघाडीवर आहेत. राज्यांमध्ये करण्यात आलेल्या एबीपीमध्ये महाविकास आघाडीवर असल्यास दिसून येत आहे. राज्यात महाविकास आघाडीला 23 ते 25 जागा मिळण्याचा अंदाज एबीपी सीव्होटर एक्झिट पोलमध्ये व्यक्त करण्यात आला आहे. महायुतीला 22 ते 26 जागा मिळतील असा अंदाज आहे. राज्यामध्ये भाजपकडून 28 जागा लढवल्या गेल्या होत्या. यामध्ये 17 जागा भाजपला मिळतील, अशी चिन्हे आहेत. शिंदे गटाने 15 जागा लढवल्या होत्या. त्यामध्ये सहा जागा जिंकतील असा अंदाज व्यक्त करण्यात आला आहे. राष्ट्रवादी काँग्रेसचे अजित पवार गटाकडून अवघ्या चार जागा लढवण्यात आल्या होत्या. त्यांच्या वाट्याला अवघी एक जागा जात असल्याचे चिन्ह आहे.
त्यामुळे राज्यात महायुतीला महाविकास आघाडीने जोरदार टक्कर दिल्याचे चित्र आहे. दुसरीकडे महाविकास आघाडीमध्ये शिवसेना ठाकरे गटाला लढवलेल्या 21 पैकी 9 जागा मिळतील अशी चिन्हे आहेत. काँग्रेसला 17 पैकी 8 जागा मिळतील अशी चिन्हे आहेत, तर राष्ट्रवादी काँग्रेस शरद पवार गटाला दहापैकी 6 जागा मिळतील असा एक्झिट पोल कल आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)