Khanapur Assembly Election : बाबर गटाची हॅट्रिक, खानापूर-आटपाडीमध्ये सुहास बाबर यांची बाजी
Khanapur Assembly Election : सुहास बाबर हे शिवसेनेचे दिवंगत आमदार अनिल बाबर यांचे पुत्र असून त्यांनी शिंदेंच्या शिवसेनेच्या वतीने निवडणूक लढवली होती.
सांगली : खानापूर आटपाडी विधानसभा मतदारसंघातील तिरंगी लढतीत शिंदेच्या शिवसेनेचे सुहास बाबर यांनी बाजी मारल्याचं दिसून आलं. सुहास बाबर यांनी 77,522 मतांनी विजय मिळवला आहे. सुहास बाबर यांना 1,51,942 मतं मिळाली. तर राष्ट्रवादी शरद पवार गटाच्या वैभव पाटील यांना 74,420 मतं मिळाली. अपक्ष उमेदवार राजेंद्र देशमुख यांना 13,534 मतं मिळाली. या आधी 2014 आणि 2019 मध्ये शिवसेनेचे अनिल बाबर हे या ठिकाणाहून आमदार झाले होते.
खानापूर विधानसभा मतदारसंघात शरद पवार गटात बंडखोरी झाली होती. आटपाडीचे राजेंद्र देशमुख यांनी अपक्ष अर्ज दाखल केला आहे. जिल्ह्यातील हा एकमेव मतदारसंघ आहे ज्या ठिकाणी शिवसेनेचे आमदार अनिल बाबर निवडून आले होते. त्यांच्या निधनानंतर शिंदे गटाने या ठिकाणी सुहास बाबर यांना उमेदवारी दिली. आता ते निवडून आले आहेत.
2019 च्या निवडणुकीत काय झालं होतं?
- अनिल बाबर (शिवसेना) - 1,16,974
- सदाशिवराव हनमंतराव पाटील (अपक्ष) - 90,683
ही बातमी वाचा:
महत्त्वाच्या बातम्या
