KDMC Mayor: बहुचर्चित कल्याण डोंबिवली महापौरपद अनुसूचित जातीसाठी राखीव; या सहाजणांपैकी कोणाला संधी मिळणार?
Kalyan Dombivli mayoral post: कल्याण डोंबिवली महानगरपालिका गेल्या दोन दिवसापासून सर्वाधिक चर्चेत आहे. या ठिकाणी भाजप आणि शिंदे गटाला सत्ता स्थापन करण्याची संधी आहे.
Kalyan Dombivli mayoral post: बहुचर्चित कल्याण डोंबिवली महानगरपालिकेसाठी अनुसूचित जाती पुरुष प्रवर्गासाठी महापौर पद राखीव झालं आहे. त्यामुळे आता या प्रवर्गातून कल्याण डोंबिवली महानगरपालिकेमध्ये कोणाला संधी भेटणार याकडे सर्वांचे लक्ष असेल. या प्रवर्गातून निवडून आलेल्या उमेदवारांमध्ये वरूण पाटील, दया गायकवाड, शशिकांत कांबळे, बंदेश जाधव आणि निलेश खंबायत या नगरसेवकांचा समावेश आहे. त्यामुळे या सहा जणांपैकी कोणाला महापौरपदी संधी भेटणार आणि कोणाचे नशीब खुलणार? याकडे आता राजकीय वर्तुळाचे लक्ष असेल.
कल्याण डोंबिवली महानगरपालिका सर्वाधिक चर्चेत
कल्याण डोंबिवली महानगरपालिका गेल्या दोन दिवसापासून सर्वाधिक चर्चेत आहे. या ठिकाणी भाजप आणि शिंदे गटाला सत्ता स्थापन करण्याची संधी आहे. मात्र या ठिकाणी भाजपने आपलाच महापौर बसवण्यासाठी प्रयत्न सुरू केले आहेत, तर शिवसेना शिंदे गटाने थेट मनसेला सोबत घेत स्वबळावर सत्ता स्थापनेसाठी प्रयत्न सुरू केले आहेत. त्यामुळे इथल्या घडामोडी या चांगल्याच चर्चेच्या केंद्रबिंदू ठरल्या आहेत. थेट शिवसेना शिंदे गटाला पाठिंबा दिल्याने शिवसेना ठाकरे गट या ठिकाणी नाराज झाला आहे. खासदार संजय राऊत यांनी सुद्धा ही नाराजी जाहीरपणे बोलून दाखवली. इतकेच नव्हे तर ते आज राज ठाकरे यांच्या भेटीसाठी पोहोचले आहेत.
दुसरीकडे, कल्याण डोंबिवलीमधील घडामोडी या स्थानिक पातळीवर असल्याचे मनसेचं म्हणणं आहे. जे काही घडलं आहे ते राज ठाकरे यांना सुद्धा पटलं नसल्याचे बोलले जात आहे. मात्र, मुंबई महानगर प्रदेशांमध्ये ज्या भाजप शिंदे विरोधात ठाकरे बंधूंनी जनादेश मागितला. त्यांना मुंबई महानगरपालिकेमध्ये मोठ्या प्रमाणात प्रतिकुल परस्थितीत यश मिळालं. त्यामुळे ज्यांच्या विरोधात जनादेश मागितला त्यांच्यासोबत मांडीला लावून मांडी बसण्यामध्ये काय अर्थ आहे असा सुद्धा प्रश्न उपस्थित होत आहे. त्यामुळे आता स्थानिक पातळीवरचा परिणाम आता दोन बंधूंच्या युतीवर होतो का याकडे सुद्धा लक्ष असेल.
इतर महत्वाच्या बातम्या
महत्त्वाच्या बातम्या
