Gondiya Assembly Election : गोंदिया जिल्ह्यातील विधानसभेची खडाजंगी, कोण मारणार बाजी? 4 मतदारसंघातील चित्र स्पष्ट!
Gondiya Assembly Election : गोंदिया मधील चारही मतदारसंघामध्ये बंडखोरी झाल्याचं चित्र आहे.
Gondiya Assembly Election : गोंदिया जिल्ह्यात (Gondiya Assembly Election) गोंदिया, तिरोडा-गोरेगाव, अर्जुनी-मोरगाव, देवरी-आमगाव असे चार विधानसभा मतदारसंघ आहेत. दरम्यान, या चारही मतदारसंघात युती-आघाडीत बंडखोरी झाल्याचं चित्र आहे. विशेष म्हणजे, जिल्ह्यातील अर्जुनी मोरगाव विधानसभा क्षेत्रामध्ये सर्वाधिक बंडखोरी झाली असून या मतदारसंघात महायुतीतून राष्ट्रवादीचे उमेदवार राजकुमार बडोले, महाविकास आघाडीकडून काँग्रेसचे दिलीप बनसोड, यांच्यात लढत होणार आहे.
| मतदारसंघ | महायुती | महाविकास आघाडी | अपक्ष |
| अर्जुनी-मोरगाव | राजकुमार बडोले | दिलीप बनसोड | भावेश कुंभारे |
| तिरोरा | विजय रहांगडले | रविकांत बोपचे | |
| गोंदिया | विनोद अग्रवाल | गोपाळदास अग्रवाल | सुरेश चौधरी |
| आमगाव | संजय पुरम | राजकुमार पूरम |
अर्जुनी-मोरगाव
या मतदारसंघात महायुतीकडून राजकुमार बडोले आणि महाविकास आघाडीकडून दिलीप बनसोडे हे उमेदवार रिंगणात आहेत. तसेच भावेश कुंभारे हे अपक्ष म्हणून रिंगणात आहेत.
तिरोरा
तिरोरा मतदारसंघातून विजय रहांगडले हे महायुतीकडून तसेच रविकांत बोपचे हे महाविकास आघाडीकडून विधानसभेच्या मैदानात आहेत.
गोंदिया
गोंदिया मतदारसंघात विनोद अग्रवाल हे महायुतीचे उमेदवार आहेत. गोपाळदास अग्रवाल हे महाविकास आघाडीचे उमेदवार आहेत.
आमगाव
आमगाव मतदारसंघातून महायुतीचे संजय पुरम आणि महाविकास आघाडीचे राजकुमार पूरम हे रिंगणात आहेत.
2019 मधील विधानसभानिहाय लढती आणि मताधिक्य
2019च्या विधानसभा निवडणुकीमध्ये गोंदिया विधानसभेत तिहेरी लढत पाहायला मिळाली होती. यामध्ये अपक्ष आमदार विनोद अग्रवाल यांनी भाजपचे गोपाल अग्रवाल यांचा दारुण पराभव केला होता. या निवडणुकीत अपक्ष विनोद अग्रवाल यांना 1 लाख 2 हजार 996 इतकी मतं मिळाली होती. तर भाजपाचे गोपाल अग्रवाल यांना 75 हजार 827 मतं मिळाली होते. काँग्रेसचे अमर वराडे यांनी 8 हजार 938 मतं मिळवली होती. मोरगांव अर्जुनीमध्ये 2019 सालच्या विधानसभा निवडणुकीत राष्ट्रवादीचे मनोहर चंद्रिकापुरे यांनी भाजपच्या राजकुमार बडोले यांचा पराभव केला होता. आमगाव देवरी या विधानसभा क्षेत्रात काँग्रेसचे सहषराम कोरोटे यांनी भाजपचे संजय पुराम यांचा पराभव केला होता. विधानसभेत 2019 साली भाजपचे विजय रहांगडाले यांनी राष्ट्रवादीचे उमेदवार रविकांत बोपचे यांचा तिरोडा-गोरेगाव मतदारसंघात पराभव केला होता.
आदिवासी बहुल जिल्हा अशी गोंदिया (Gondiya Assembly Constituency) जिल्ह्याची सर्वत्र ओळख आहे. गोंदिया जिल्ह्याला छत्तीसगड आणि मध्य प्रदेश या दोन राज्याच्या सीमा जोडल्या गेल्या आहेत. गोंदिया जिल्ह्यात मोठ्या प्रमाणात धान पिकाची शेती केली जाते. या गोंदिया जिल्ह्यात मोठे कारखाने नसले तरी, अनेक छोट्या लघु उद्योगातून नागरिक स्वयंरोजगार निर्माण करत आहेत. गोंदिया जिल्ह्यात मनोहर भाई पटेल यांच्यासारखे शिक्षण महर्षी होऊन गेले आहेत. महाराष्ट्राच्या राजकारणात देखील हा जिल्हा तितकाच महत्त्वाचा आहे. कारण अजित पवार गटाचे नेते प्रफुल्ल पटेल (Praful Patel) यांचं हे होमग्राऊंड आहे.
ही बातमी वाचा :
महत्त्वाच्या बातम्या
ट्रेंडिंग न्यूज
