Bhokardan Vidhan Sabha constituency : रावसाहेब दानवे यांचे सुपुत्र संतोष दानवेंचा दणदणीत विजय, चंद्रकांत दानवेंचा दारुण पराभव

Bhokardan Vidhan Sabha constituency : भोकरदन या मतदारसंघात कोण बाजी मारणार? याकडे सर्वांचेच लक्ष लागले होते. या मतदारसंघात संतोष दानवे यांनी विजयी पताका फडकवली आहे.

jalna bhokardan vidhan sabha election 2024 result santosh danve won chandrakant danve lost (फोटो सौजन्य- एबीपी नेटवर्क)

Source : abp

Bhokardan Assembly Election 2024 : राज्यात विधानसभा निवडणुकीचा (Vidan Sabha Election Result 2024) निकाल स्पष्ट झाला आहे. जो-तो या निवडणुकीचीच चर्चा करताना दिसतोय. गेल्या काही दिवसांपासून मराठवाड्यातील जालना हा जिल्हा अनेक कारणांमुळे चर्चेत आला होता. या निवडणुकीतही हा जिल्हा चर्चेच्या केंद्रस्थानी होता. याच जिल्ह्यातील भोकरदन हा विधानसभा मतदारसंघ अनेक अर्थांनी महत्त्वाचा आहे. या मतदारसंघात यावेळी कोण बाजी मारणार? याकडे सर्वांचे लक्ष लागले होते. दरम्यान, या जागेवर भाजपाचे नेते रावसाहेब दानवे (Raosaheb Danve) यांचे सुपुत्र संतोष दानवे (Santosh Danve) हे विजय ठरले आहेत. त्यांनी चंद्रकांत दानवे यांना पराभूत केले आहे.  

2024 सालच्या निवडणुकीत नेमकं काय घडलं?

जालना जिल्ह्यातील भोकरदन या मतदारसंघात चांगलीच चुरशीची लढत झाली. या मतदारसंघात भाजपाने रावसाहेब दानवे यांचे सुपुत्र संतोष दानवे यांना तिकीट दिले होते. तर महाविकास आघाडीतर्फे शरद पवार यांच्या पक्षाकडून चंद्रकांत दानवे हे निवडणूक लढवत होते. येथे मतमोजणीच्या एकूण 24 फेऱ्या झाल्या. प्रत्येक फेरीत चंद्रकांत दानवे आणि संतोष दानवे यांच्यात चुरशीची लढत झाली. मात्र शाधारण 22 हजार मतांच्या फरकांनी संतोष दानवे यांचा विजय झाला.

2019 सालच्या विधानसभा निवडणुकीत काय घडलं होतं? (Bhokardan Assembly Election 2029 Result) 

2019 सालच्या विधानसभा निवडणुकीत भाजपाने माजी केंद्रीय मंत्री अंबादास दानवे यांचे सुपुत्र संतोष दानवे यांना तिकीट दिले होते. तर राष्ट्रवादी (अविभाजित) पक्षाकडून तेव्हा चंद्रकांत दानवे यांनीच निवडणूक लढवली होती. या निवडणुकीत संतोष दानवे यांनी बाजी मारली होती. त्यांना एकूण 118539 मते मिळाली होती. तर चंद्रकांत दानवे यांना एकूण 86049 मते मिळाली होती. संतोष दानवे यांना मिळालेल्या मतांचे  प्रमाण 54.6 टक्के होते. तर चंद्रकांत दानवे यांना मिळालेल्या जागांचे प्रमाण 39.7 टक्के होते. या निवडणुकीत तिसऱ्या क्रमांकावर दीपक बोऱ्हाडे हे होते. त्यांना एकूण 8298 मते मिळाली होती. त्यांना मिळालेल्या मतांचे प्रमाण 3.8 टक्के होते. 

2014 सालच्या निवडणुकीत काय घडले होते?

2014 सालच्या निवडणुकीतही संतोष दानवे आणि चंद्रकांत दानवे यांच्यातच लढत झाली होती. या निवडणुकीतही संतोष दानवे यांनी बाजी मारली होती. त्यांना 35.12 टक्के मतं पडली होती. तर चंद्रकांत दानवे यांना 31.71 टक्के मतं मिळाली होती. 

हेही वाचा :