Jalna Vihan Assembly Election 2024 : जालना मतदारसंघात अर्जुन खोतकर यांचाच बोलबाला, गैलास गोरंट्याल पराभूत
Jalna Vihan Assembly Election 2024 : राज्यात जालना या मतदारसंघाची चांगलीच चर्चा होती. या जागेवर अर्जुन खोतकर यांचा विजय झाला आहे.
Jalna Vihan Assembly Election 2024 : स्टील सिटी, बियाणांची पंढरी, मोसंबी मार्केट आणि व्यापार पेठ अशी चौफेर ओळख असलेल्या जालना विधानसभा मतदारसंघामध्ये आपलं वर्चस्व राखण्यासाठी सर्वच पक्ष या निवडणुकीत जोमाने कामाला होते. संमिश्र सामाजिक स्थिती आणि बदलत्या राजकीय स्थितीमुळे जालना विधानसभा मतदारसंघ आतापर्यंत कोणाचाही बालेकिल्ला होऊ शकलेला नाही. 70 टक्के शहरी 30 टक्के ग्रामीण भाग असलेल्या या मतदारसंघात 2009 पासून काँग्रेसचे विद्यमान आमदार कैलास गोरंट्याल (Kailash Gorantyal) आणि शिवसेना नेते अर्जुन खोतकर (Arjun Khotkar) अशीच दुहेरी लढत होत आलेली आहे. तेव्हापासून आलटून पालटून या दोन्ही उमेदवारांनी या मतदारसंघाचं नेतृत्व केलंय. यावेळी जालना मतदारसंघातील मतदारांनी खोतकर यांच्या पारड्यात मतं टाकली आहेत. येथे खोतकर यांचा विजय झाला असून कैलास गोरंट्याल (Kailash Gorantyal) पराभूत झाले आहेत.
| क्रमांक | उमेदवार | पक्ष | निकाल |
| 1 | अर्जुन खोतकर | शिवसेना (एकनाथ शिंदे गट) | विजयी |
| 2 | कैलास गोरंट्याल | काँग्रेस | पराभूत |
महायुतीकडून खोतकर यांना उमेदवारी
शिवसेना नेते उद्धव ठाकरे यांच्या पक्षातून शिंदे गटात सहभागी झालेल्या अर्जुन खोतकर जालना विधानसभा मतदारसंघात शिवसेनेचा मोठा चेहरा आहेत. अपेक्षेप्रमाणे शिंदे यांच्या शिवसेनेने खोतकर यांना उमेदवारी जाहीर केली आहे. या जागेसाठी माजी केंद्रीय मंत्री रावसाहेब दानवे यांचे बंधू भास्कर दानवे तसेच भाजप नेते अशोक पांगारकर हे भाजपकडून इच्छुक होते. त्यातच राष्ट्रवादीच्या अजित पवार गटाची माजी आमदार अरविंद चव्हाण देखील, या मतदारसंघातून लढण्यासाठी इच्छुक होते.
कैलास गोरंट्याल यांचा पराभव
मात्र शेवटी कैलास गोरंट्याल आणि अर्जुन खोतकर या दोन बड्या नेत्यांमध्येच खरा संघर्ष पाहायला मिळाला. मतमोजणीच्या दिवशी खोतकर यांनी पहिल्यापासूनच आघाडी घेतली होती. त्यानंतर ते विजयी होतील असा अंदाज व्यक्त केला जात होता. त्यानंतर आता जालना विधानसभा मतदारसंघातून अर्जुन खोतकर विजयी ठरले आहेत. तर कैलास गोरंट्याल यांचा पराभव झाला आहे.
2019 विधानसभा स्थिती
2019 विधानसभेमध्ये विद्यमान काँग्रेस आमदार कैलास गोरंट्याल आणि शिवसेना नेते अर्जुन खोतकर यांच्यात लढत झाली होती. मागच्या वेळी भाजप स्वतंत्र लढल्यामुळे अर्जुन खोतकर यांना फटका बसला होता. त्यामुळेच खोतकर यांचा या जागेवर भराभव झाला होता.
2019 विधानसभा निवडणुकीचा निकाल:-
कैलास गोरंट्याल काँग्रेस 91835 मते.
अर्जुन खोतकर (शिवसेना)-66497 मते.
हेही वाचा :
Parbhani Assembly Election : परभणीत नेमकी कोणाची ताकद, यंदाच्या विधानसभा निवडणुकीत कोण बाजी मारणार?
महत्त्वाच्या बातम्या
