Bhagur Nagar Parishad Election Result 2025: भगूरमध्ये अजित पवारांच्या राष्ट्रवादीचा मोठा विजय; शिवसेनेची 25 वर्षांची सत्ता उलथवली
Bhagur Nagar Parishad Election Result 2025: भगूर नगरपरिषदेत उपमुख्यमंत्री अजित पवार यांच्या नेतृत्वाखाली राष्ट्रवादी काँग्रेसने शिवसेनेची तब्बल 25 वर्षांची सत्ता संपुष्टात आणली आहे.
Bhagur Nagar Parishad Election Result 2025: भगूर नगरपरिषदेत (Bhagur Nagar Parishad Election Result 2025:) मोठा राजकीय उलटफेर पाहायला मिळाला असून, उपमुख्यमंत्री अजित पवार (Ajit Pawar) यांच्या नेतृत्वाखाली राष्ट्रवादी काँग्रेसने शिवसेनेची (Shiv Sena) तब्बल 25 वर्षांची सत्ता संपुष्टात आणली आहे. मतमोजणीला सुरुवात होताच अजित पवार गटाच्या राष्ट्रवादीने दमदार कामगिरी करत विजयाचे खाते उघडले आणि एकूण सात उमेदवारांनी विजय मिळवला आहे.
सध्याच्या निकालानुसार भगूर नगरपरिषदेत एकूण १७ जागांवर अजित पवार गट आणि भाजप, तर ३ जागांवर शिवसेना (शिंदे गट) विजयी झाल्याची माहिती मिळत आहे. या निकालामुळे भगूरच्या राजकारणात मोठा बदल झाल्याचे स्पष्ट झाले आहे.
Bhagur Nagar Parishad Election Result 2025: राष्ट्रवादीची दमदार सुरुवात
मतमोजणीला सुरुवात होताच अजित पवार यांच्या राष्ट्रवादी काँग्रेसने आघाडी घेतली. पहिल्या काही फेऱ्यांमध्येच राष्ट्रवादीच्या उमेदवारांनी आघाडी घेत विजय निश्चित केला. राष्ट्रवादी काँग्रेसच्या प्रेरणा बलकवडे यांनी विजय मिळवला असून, त्यांना भाजपचा पाठिंबा आहे.
Bhagur Nagar Parishad Election Result 2025: 25 वर्षांची सत्ता संपुष्टात
भगूर नगरपरिषदेत गेल्या 25 वर्षांपासून शिवसेनेची सत्ता होती. मात्र यंदाच्या निवडणुकीत मतदारांनी स्पष्ट कौल देत सत्ताबदल घडवून आणला आहे. अजित पवार यांच्या नेतृत्वावर मतदारांनी विश्वास टाकत शिवसेनेचा बालेकिल्ला ढासळवला आहे. या निकालामुळे राज्याच्या राजकारणातही भगूरचा निकाल चर्चेचा विषय ठरला आहे. अजित पवार गटासाठी हा विजय अत्यंत महत्त्वाचा मानला जात आहे.
Nashik Nagar Parishad Election Result 2025: नाशिक जिल्हा नगर परिषदेत कोण आघाडीवर?
भगूर - अजित पवारांची राष्ट्रवादीच्या प्रेरणा बलकवडे विजयी
पिंपळगाव बसवंत - भाजपचे डॉ. मनोज बर्डे आघाडीवर
सिन्नर - अजित पवारांच्या राष्ट्रवादीचे विट्ठलराजे उगले आघाडीवर
ओझर - भाजपच्या अनिता घेगडमल आघाडीवर
त्र्यंबकेश्वर - भाजपचे कैलास घुले आघाडीवर
इगतपुरी - शिंदेंच्या शिवसेनेच्या शालिनी खताळे आघाडीवर
इतर महत्त्वाच्या बातम्या
महत्त्वाच्या बातम्या
