Amit Shah : अमित शाह तडकाफडकी दिल्लीला रवाना; विदर्भातील सर्व नियोजित सभा रद्द! नेमकं कारण काय?

Amit Shah : भाजप नेते आणि केंद्रीय गृहमंत्री अमित शाह हे तडकाफडकी दिल्लीला रवाना झाले आहे. त्यामुळे अमित शाह यांच्या नियोजित असलेल्या चारही सभांना गैरहजर असणार आहे.

Amit Shah in Vidarbha

Source : abp majha

Maharashtra Assembly Election 2024: राज्यात विधानसभेच्या मतदानाला आता अवघे 3 दिवस उरले आहेत. दरम्यान, या निवडणुकीच्या अनुषंगाने आपापल्या पक्षाचा झेंडा फडकवत राजकीय प्रचाराला रंग चढला असून आता प्रचाराला अवघा काही तासांचा अवधी शिल्लक राहिला आहे. असे असताना भाजपच्या गोटातून एक महत्वपूर्ण बातमी समोर आली आहे. भाजप नेते आणि केंद्रीय गृहमंत्री अमित शाह (Amit Shah) हे तडकाफडकी दिल्लीला रवाना झाले आहे. निवडणुकांच्या अंतिम टप्प्यात अनेक दिग्गज नेते विदर्भावर फोकस करत असल्याचे दिसून आले. अशातच अमित शाह हे सध्या विदर्भाच्या दोऱ्यांवर असून त्यांच्या आज चार सभा होणार होत्या. मात्र ऐन वेळेवर विदर्भातील सर्व नियोजित सभांना अमित शाहांची गैरहजेरी राहणार आल्याची माहिती पुढे आली आहे.

अमित शाह यांच्या विदर्भातील सर्व नियोजित सभा रद्द!

अमित शाह  यांच्या नियोजित असलेल्या चारही सभा रद्द करून ते तातडीने नागपुरातून दिल्लीसाठी निघाले आहे. आजच्या चार सभांसाठी अमित शाह  काल संध्याकाळीच नागपुरात दाखल झाले होते. त्यांची आज गडचिरोली, वर्धा आणि नागपूर जिल्ह्यातील काटोलसह सावनेर अशा चार सभा होणार होत्या. या सर्व सभा रद्द करून अमित शाह दिल्लीसाठी रवाना झाले आहे. मात्र या सर्व महत्वाच्या सभा रद्द करून अमित शाहांच्या तडकाफडकी दिल्लीवारी मागील कारण अद्याप समजलेले नाहीये. आजच्या चार सभांसाठी अमित शाहा काल संध्याकाळीच नागपुरात दाखल झाले होते. त्यांचा नागपूरातील रेडिसन ब्लू हॉटेलमध्ये मुक्काम होता. तर आज (रविवारी) सकाळी 11 वाजताच्या सुमारास ते सभेसाठी गडचिरोलीला रवाना होणार होते. मात्र आता हा दौरा रद्द झाल्याचा समजतंय. दरम्यान, अमित शाह यांच्या नियोजित असलेल्या चारही सभांना आज स्मृती इराणी संबोधित करतील, असेही सांगण्यात येतंय.

केंद्रीय मंत्री अमित शाह यांचा असा होत्या नियोजित सभा  

दुपारी १२.०० - गडचिरोली शहर

दुपारी १.०० - वर्धा शहर

दुपारी ३.०० - काटोल, नागपूर ग्रामीण

दुपारी ४.०० - सावनेर

संघाच्या बालेकिल्ल्यात काँग्रेस नेत्या प्रियंका गांधींचा रोड शो

 काँग्रेस नेत्या प्रियंका गांधी (Priyanka Gandhi) आज (रविवार) नागपुरात एकानंतर एक असे दोन रोड-शो करणार आहेत. प्रियंका गांधी यांचा पहिला रोड-शो पश्चिम नागपुरात काँग्रेस उमेदवार विकास ठाकरे (Vikas Thakre) यांच्या प्रचारासाठी होईल. तर दुपारी अडीच वाजता अवस्थी नगर चौकातून सुरू होणारा हा रोड शो दिनशॉ फॅक्टरी चौक जवळ संपुष्टात येईल. प्रियंका गांधींचा दुसरा रोड-शो मध्ये नागपूर विधानसभा क्षेत्रात काँग्रेस उमेदवार बंटी शेळके यांच्या प्रचारासाठी होईल. गांधीगेट पासून सुरू होणारा रोड-शो संघ मुख्यालयापासून हाकेच्या अंतरावर असलेल्या बडकस चौकावर जाऊन पूर्ण होईल. त्यामुळे या दुसऱ्या रोड शोच्या माध्यमातून प्रियांका गांधी संघाच्या बालेकिल्लापर्यंत जातील हे विशेष आहे. 

इतर महत्वाच्या बातम्या