Baba Siddiqui Case Update :बाबा सिद्दिकींच्या डायरीतलं अखेरचं नाव मोहित कंबोज यांचं, झिशान सिद्दिकींचा जबाब

Baba Siddiqui Case Update :बाबा सिद्दिकींच्या डायरीतलं अखेरचं नाव मोहित कंबोज यांचं, झिशान सिद्दिकींचा जबाब

Baba Siddique Murder Case Updates: बाबा सिद्दिकी हत्या प्रकरणात (Baba Siddique Murder Case) त्यांचा मुलगा झिशान सिद्दिकी (Zeeshan Siddique) यांच्या पोलीस जबाबात मोठा दावा करण्यात आला आहे. हत्येच्या दिवशी बाबा सिद्दिकींच्या डायरीत भाजप नेता मोहित कंबोज (Mohit Kamboj) यांचं नाव असल्याचं झिशान सिद्दीकींनी जबाबात म्हटल्याचं सूत्रांच्या माहितीने समोर आलं आहे. बाबा सिद्दिकींना रोज डायरी लिखाणाची सवय होती. त्यामुळे हत्या होण्याच्या काही तासांआधी बाबा सिद्दीकींनी डायरीत भाजप नेते मोहित कंबोज यांचं नाव असल्याचा जबाब झिशान सिद्दीकी यांनी दिला आहे. 

बाबा सिद्धिकी हत्या प्रकरणात पोलिलांनी त्यांचा मुलगा झिशान सिद्धीकी याने पोलिस जबाबात अनेक बिल्डर्सप्रमााणेच भाजप नेता मोहित कंबोज यांची नावे घेत संशय व्यक्त केला आहे. पोलिसांच्या आरोपपत्रात बिल्डर पृथ्वी चव्हाण, शाहिद बलवा, शिवालिक व्हेंचर्स, अदानी, नबील पटेल, विनोद गोएंका आणि ओंकार बिल्डर्स या नामांकित विकासकांच्या नावांचा उल्लेख आहे. पोलिसांना दिलेल्या जबाबात झिशानने वडिलांच्या हत्येचा संबध हा वांद्रेतील पुर्नविकास प्रकल्पात नागरिकांची बाजू घेतल्यानेच हा प्रकार घडल्याचा दावा केला आहे.

दरम्यान पोलिसांनी दाखल केलेल्या आरोप पत्रात बाबा सिद्धीकी यांची हत्येचा पुर्नविकास प्रकल्पाशी कोणतही संबध नसल्याचे म्हटले आहे. तसेच सिद्धीकी यांची हत्या बिष्णोई गँगकडून झाल्याचं मुंबई पोलिसांनी म्हटलं आहे. या शिवाय झिशान सिद्धीकी याने आपल्या जबाबात मोहित कंबोज याचेही नावाचा उल्लेख केल्याची माहिती सूत्रांनी दिली आहे. पोलिसांनी आरोपपत्रात बाबा सिद्धीकी यांची हत्या सलमान खान याच्याशी असलेली जवळीकता यातूनच झाल्याचे म्हटले आहे. माझ्या वडिलांना डायरी लिहायची सवय होती, आणि ज्यादिवशी त्यांची हत्या झाली त्या दिवशी त्यांनी लिहिलेल्या डायरीमधे भाजप नेता मोहित कंबोजचंही आहे, असं झिशान सिद्दीकी यांनी पोलीस जबाबात म्हटलं आहे.