MPSC उमेदवारांना खुशखबर;  यंदा साडेसात हजार पदांसाठी भरती निघणार

MPSC Recruitment 2022 : महाराष्ट्र लोकसेवा आयोगाने (एमपीएससी) स्पर्धा परीक्षांची तयारी करणाऱ्या उमेदवारांना (MPSC Candidates) खुशखबर दिली आहे.

MPSC

MPSC Recruitment 2022 : महाराष्ट्र लोकसेवा आयोगाने (एमपीएससी) स्पर्धा परीक्षांची तयारी करणाऱ्या उमेदवारांना (MPSC Candidates) खुशखबर दिली आहे. 2022  या वर्षात विविध विभागांमध्ये तब्बल सात हजार 560 रिक्त जागा भरल्या जाणार असल्याचं महाराष्ट्र लोकसेवा आयोगाने  स्पष्ट केले आहे.  सर्वाधिक रिक्त पदे ही सामान्य प्रशासन , कृषी, पशुसंवर्धन, दुग्धव्यवसाय,  गृह ,  वित्त  सार्वजनिक आरोग्य, आणि वैद्यकीय  विभागांमध्ये आहेत. या संदर्भातील सविस्तर रिक्त जागांची यादी 'एमपीएससी'च्या वेबसाइटवर प्रसिद्ध करण्यात आली आहे. 

महाराष्ट्र लोकसेवा आयोगाने (एमपीएससी) डिसेंबर 2021 पर्यंतच्या राज्याच्या विविध विभागांकडून रिक्त जागांच्या माहिती मागवली होती. त्यानुसार राज्यात सात हतार 560 जागा रिक्त असल्याचे निदर्शनास आले आहे. या जागा 2022 मध्ये भरण्यात येतील. त्यामुळे या वर्षात ‘एमपीएससी’च्या विद्यार्थ्यांना सुवर्णसंधी मिळणार आहे. राज्याच्या 25 विभागांमधील रिक्त असलेल्या पदांच्या संख्यानुसार राज्यात तिन्ही गटांच्या एकूण  सात हजार 560 जागा रिक्त आहेत. त्यामध्ये ‘अ’ गटातील 1499, ‘ब’ गटातील 1245 आणि ‘क’ गटातील 1583 पदांचा समावेश आहे. या संदर्भातील सविस्तर रिक्त जागांची यादी 'एमपीएससी'च्या वेबसाइटवर प्रसिद्ध करण्यात आली आहे. 

महाराष्ट्र शासनाच्या विविध विभागांतील पदभरतीकरीता दिनांक 31 डिसेंबर, 2021 अखेर प्राप्त झालेल्या मागणीपत्रानुसार पदसंख्येचा विभागनिहाय तपशील आयोगाच्या संकेतस्थळावर प्रसिद्ध करण्यात आला आहे.(सुधारित) pic.twitter.com/e48THOCFi9

— Maharashtra Public Service Commission (@mpsc_office) December 31, 2021

'एमपीएससी'कडे प्राप्त मागणीपत्र...

सार्वजनिक आरोग्य विभाग : 937
कृषी, पशुसंवर्धन, मत्स्यव्यवसाय : 924
उद्योग, ऊर्जा, कामगार : 279
अन्न, नागरी पुरवठा, ग्राहक संरक्षण : 62
पाणी पुरवठा व स्वच्छता : 16
सामान्य प्रशासन : 957
मराठी भाषा : 21
आदिवासी विभाग : 7
बृन्हमुंबई महापालिका : 21
पर्यावरण : 3
गृह : 1159
वित्त : 356
वैद्यकीय शिक्षण, औषधी द्रव्ये : 1572
उच्च व तंत्रशिक्षण : 35
शालेय शिक्षण, क्रीडा : 105
सहकार, पणन, वस्त्रोद्योग : 32
कौशल्य विकास, उद्योजकता : 171
महसूल व वन : 104
ग्रामविकास व पंचायतराज : 32
नगरविकास : 90
मृदा व जलसंधारण : 11
जलसंपदा : 323
विधी व न्याय : 205
नियोजन : 55